హానర్ తన మొదటి ఫోల్డబుల్ స్మార్ట్ ఫోన్‌ను లాంచ్ చేసింది. అదే హానర్ మ్యాజిక్ వీ. గెలాక్సీ ఫోల్డ్ 3కి పోటీగా ఈ ఫోన్ లాంచ్ అయింది. ప్రపంచంలోనే అత్యంత సన్నటి ఫోల్డబుల్ స్మార్ట్ ఫోన్ ఇదేనని తెలుస్తోంది. దీని మందం కేవలం 0.67 సెంటీమీటర్లు మాత్రమే.
హానర్ మ్యాజిక్ వీ ధర
ఇందులో రెండు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 12 జీబీ ర్యామ్ + 256 జీబీ స్టోరేజ్ వేరియంట్ ధరను 9,999 యువాన్లుగా (సుమారు రూ.1,16,000) ఉంది. ఇక 12 జీబీ ర్యామ్ + 512 జీబీ స్టోరేజ్ వేరియంట్ ధరను 10,999 యువాన్లుగా (సుమారు రూ.1,27,600) నిర్ణయించారు. ఆరెంజ్, సిల్వర్, బ్లాక్ రంగుల్లో ఈ ఫోన్ కొనుగోలు చేయవచ్చు. మనదేశంలో ఈ ఫోన్ ఎందుకు లాంచ్ కానుందో తెలియరాలేదు.
హానర్ మ్యాజిక్ వీ స్పెసిఫికేషన్లు
ఇందులో 7.9 అంగుళాల ఓఎల్ఈడీ స్క్రీన్‌ను ప్రధాన డిస్‌ప్లేగా అందించారు. హెచ్‌డీఆర్10+, 90 హెర్ట్జ్ స్క్రీన్ రిఫ్రెష్ రేట్ వంటి ఫీచర్లు ఇందులో ఉన్నాయి. బయటవైపు 6.45 అంగుళాల ఫుల్ హెచ్‌డీ+ ఓఎల్ఈడీ డిస్‌ప్లే అందుబాటులో ఉంది. దీని స్క్రీన్ రిఫ్రెష్ రేట్ 120 హెర్ట్జ్‌గా ఉంది.
దీని బ్యాటరీ సామర్థ్యం 4750 ఎంఏహెచ్‌గా ఉంది. 66W ఫాస్ట్ చార్జింగ్‌ను ఇది సపోర్ట్ చేయనుంది. రివర్స్ వైర్‌లెస్ చార్జింగ్ ఫీచర్ కూడా ఇందులో ఉంది. క్వాల్‌కాం స్నాప్‌డ్రాగన్ 8 జెన్ 1 ప్రాసెసర్‌పై ఈ ఫోన్ పనిచేయనుంది. 12 జీబీ వరకు ర్యామ్, 512 జీబీ వరకు స్టోరేజ్ ఇందులో ఉన్నాయి.
ఇందులో వెనకవైపు మూడు కెమెరాలు ఉన్నాయి. ఈ మూడు కెమెరాల సామర్థ్యం 50 మెగాపిక్సెల్‌గానే ఉంది. సెల్పీలు, వీడియో కాల్స్ కోసం ముందువైపు 42 మెగాపిక్సెల్ కెమెరాను అందించారు. ఆండ్రాయిడ్ 12 ఆపరేటింగ్ సిస్టంపై ఈ ఫోన్ పనిచేయనుంది.
5జీ, ఎల్టీఈ, బ్లూటూత్ 5.2, వైఫై 6, ఎన్ఎఫ్‌సీ, జీపీఎస్, యూఎస్‌బీ టైప్-సీ పోర్టు కూడా ఇందులో అందించారు. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు. ఇందులో ఐమ్యాక్స్ సర్టిఫైడ్ స్టీరియో స్పీకర్లు అందించారు.
Also Read: Vivo Y01 Price Leaked: వివో కొత్త ఫోన్ ధర, ఫీచర్లు లీక్.. రూ.10 వేలలోపే!
Also Read: Samsung Offers: గుడ్‌న్యూస్.. ఈ శాంసంగ్ ఫోన్ ధర తగ్గింపు.. ఇప్పుడు రూ.13 వేలలోపే!
Also Read: Cheapest 5G Phone: వేడెక్కుతున్న 5జీ మార్కెట్.. రూ.20 వేలలోపే మరో 5జీ ఫోన్!
Also Read: Lost Aadhar Card: ఆధార్ కార్డు పోయిందా.. స్మార్ట్ ఫోన్‌లో ఇలా చేస్తే చాలు.. కొత్త ఆధార్ ఇంటికి!