Apple Pencil: యాపిల్ తన తదుపరి తరం పెన్సిల్‌ను మార్కెట్లో లాంచ్ చేసింది. ఇది యూఎస్‌బీ టైప్-సీ పోర్ట్‌తో మార్కెట్లోకి వచ్చింది. దీని ధరను రూ.7,990గా నిర్ణయించారు. ఈ పెన్సిల్ యూఎస్‌బీ టైప్-సీ పోర్ట్‌తో కూడిన స్లైడింగ్ క్యాప్ డిజైన్‌ను కలిగి ఉంది. ఇప్పుడు యాపిల్ పెన్సిల్‌ను ఐప్యాడ్‌తో పెయిర్ చేయడం మునుపటి కంటే చాలా సులభం అవుతుంది. అలాగే ఐప్యాడ్ సైడ్ ఎడ్జ్‌కు సురక్షితంగా అటాచ్ చేయవచ్చు.
యాపిల్ సరికొత్త పెన్సిల్‌ను రూ.7,900 ధరకు విడుదల చేసింది, ఇది గతేడాది విడుదల చేసిన 10వ తరం పెన్సిల్‌తో పోలిస్తే చాలా తక్కువ. యాపిల్ ఈ పెన్సిల్‌ను గత సంవత్సరం రూ. 11,900 ధరతో మార్కెట్లో లాంచ్ చేసింది. యాపిల్ పెన్సిల్ కొత్త మోడల్ ధర తగ్గినప్పటికీ, ఇది అడ్వాన్స్‌డ్ ఫీచర్లను కలిగి ఉంది. అయితే ప్రెజర్ సెన్సిటివిటీ, వైర్‌లెస్ పెయిరింగ్, ఛార్జింగ్, డబుల్ ట్యాప్ ఫంక్షన్ వంటి కొన్ని ఫీచర్‌లు ఇందులో లేవు.
కొత్త యాపిల్ పెన్సిల్ ఐప్యాడ్ (10వ తరం), ఐప్యాడ్ ఎయిర్ (4వ, 5వ తరం), 11 అంగుళాల ఐప్యాడ్ ప్రో (1వ, 2వ, 3వ, 4వ తరం), ఐప్యాడ్ ప్రో వంటి యూఎస్‌బీ-సీ పోర్ట్‌తో కూడిన అనేక ఐప్యాడ్ మోడల్స్‌ను ఇది సపోర్ట్ చేయనుంది. 12.9 అంగుళాల (3వ, 4వ, 5వ, 6వ తరం), ఐప్యాడ్ మినీ (6వ తరం)లను కూడా ఈ పెన్సిల్ ద్వారా ఉపయోగించవచ్చు.
ఇది కాకుండా యాపిల్ తన విద్యా ప్రణాళిక కింద విద్యార్థులకు ఆఫర్‌లను కూడా ఇచ్చింది. విద్యార్థులు, ఉపాధ్యాయులకు కొత్త యాపిల్ పెన్సిల్ రూ.6,900కి అందుబాటులో ఉంటుంది. ఈ ఆఫర్ కళాశాల విద్యార్థులు, వారి తల్లిదండ్రులతో పాటు ఉద్యోగులు, అన్ని గ్రేడ్‌ల హోమ్ స్కూల్ ఉపాధ్యాయులకు అందుబాటులో ఉంటుంది.
యాపిల్ తన చవకైన ఐప్యాడ్‌ను విడుదల చేయనుందని రూమర్ వచ్చింది. కానీ అది జరగలేదు. 2022 అక్టోబర్‌లో టెక్ దిగ్గజం 10వ తరం ఐప్యాడ్‌ను ప్రారంభించింది. అదే నెలలో ఎం2 చిప్‌తో కూడిన ఐప్యాడ్ ప్రోని లాంచ్ చేసింది. ఎం1 చిప్‌తో కూడిన ఐప్యాడ్ ఎయిర్ మార్చి 2022లో మార్కెట్లోకి వచ్చింది. అలాగే 2021 సెప్టెంబర్‌లో ఐప్యాడ్ మినీ రీడిజైన్ అయింది.
ఐఫోన 15 సిరీస్‌ను కూడా యాపిల్ గత నెలలోనే మార్కెట్లోకి తీసుకువచ్చింది. సెప్టెంబర్ రెండో వారంలో ఇవి లాంచ్ అయ్యాయి. సెప్టెంబర్ 22వ తేదీ నుంచి వీటికి సంబంధించిన సేల్ కూడా ప్రారంభం అయింది. ఈ ఫోన్లలో ఐఫోన్ 15 ప్రో సిరీస్‌కు మంచి డిమాండ్ కూడా ఉంది.
Read Also: డైనమిక్ ఐల్యాండ్‌తో లాంచ్ అయిన ఐఫోన్ 15 సిరీస్ - ధర ఎంత పెట్టారు?
Read Also: అత్యధిక బ్యాటరీ బ్యాకప్ ఇచ్చే యాపిల్ వాచ్ ఇదే - యాపిల్ వాచ్ అల్ట్రా 2 వచ్చేసింది!
Read Also: వేళ్లు కదిపితే ఫోన్ ఎత్తేయచ్చు - మైండ్ బ్లోయింగ్‌ టెక్నాలజీతో యాపిల్ వాచ్ సిరీస్ 9 - ధర ఎంత?
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial