Indian hockey team lost to Germany: ఒలింపిక్స్‌(Olympic Games Paris 2024)లో మరోసారి భారత్‌ కు మరోసారి నిరాశే ఎదురైంది. జర్మనీ(Germany)తో జరిగిన సెమీఫైనల్లో భారత జట్టు పోరాడి ఓడింది. జర్మనీ-టీమిండియా గెలుపు కోసం చివరి వరకూ పోరాడడంతో మ్యాచ్‌ ఉత్కంఠ భరితంగా సాగింది. భారత్‌ తొలి గోల్‌ చేసి ఆధిక్యం సాధించగా.. ఆ తర్వాత వరుసగా రెండు గోల్స్‌ చేసిన జర్మనీ ఆధిక్యంలోకి వెళ్లింది. అయితే ఆ తర్వాత పెనాల్టీ కార్నర్‌ గోల్‌గా మలచిన భారత్‌ స్కోరును 2-2తో సమం చేసింది. ఆ తర్వాత మ్యాచ్‌ డ్రా దిశగా నడిచింది. అయితే భారత గోల్‌ పోస్ట్‌పై పదే పదే దాడులు చేసిన జర్మనీ ఫలితం రాబట్టింది. మ్యాచ్‌ మరో ఆరు నిమిషాల్లో ముగుస్తుందనగా ఫీల్డ్‌ గోల్‌ సాధించి ఆధిక్యాన్ని 3-2కు పెంచింది. ఆ తర్వాత భారత్‌ పుంజుకున్నా ఫలితం దక్కలేదు. ఇక భారత్‌ మరోసారి కాంస్య పతకం కోసం పోరాడనుంది