IPL 2022 MI vs KKR Memes: ఐపీఎల్‌ 2022లో కోల్‌కతా నైట్‌రైడర్స్‌, ముంబయి ఇండియన్స్‌ మ్యాచ్‌ ముగిసిన తర్వాత మీమ్స్‌ జాతర కొనసాగుతోంది. రోహిత్‌ శర్మ, జస్ప్రీత్‌ బుమ్రా, డేనియెల్‌ సామ్స్‌, ప్యాట్‌ కమిన్స్‌ చిత్రాలతో మీమ్స్‌ రూపొందిస్తున్నారు. కేకేఆర్‌ అభిమానులు వీటిని చూసుకుంటూ నవ్వుకుంటుంటే ముంబయి ఫ్యాన్స్‌ మాత్రం ఉసూరుమంటున్నారు.
PL 2022, KKR vs MI Match Highlights: ఐపీఎల్‌ 2022లో ముంబయి ఇండియన్స్‌ (Mumbai Indians)కు వరుసగా మూడో ఓటమి ఎదురైంది! డిఫెండింగ్‌ ఛాంపియన్‌ సీఎస్‌కే బాటలోనే నడిచింది. ఆ జట్టు నిర్దేశించిన 162 పరుగుల టార్గెట్‌ను కోల్‌కతా నైట్‌రైడర్స్‌ (Kolkata Knightriders) 5 వికెట్ల తేడాతో ఛేదించేసింది. ప్యాట్‌ కమిన్స్‌ । Pat Cummins (56; 15 బంతుల్లో 4x4, 5x6) 14 బంతుల్లోనే హాఫ్‌ సెంచరీ కొట్టేయడంతో మరో 4 ఓవర్లుండగానే గెలుపు తలుపు తట్టింది. వెంకటేశ్‌ అయ్యర్‌ । Venkatesh Iyer (50; 41 బంతుల్లో 6x4, 1x6) ఆఖరి వరకు నిలిచాడు. అంతకు ముందు ముంబయిలో సూర్య కుమార్‌ యాదవ్‌ (52; 36 బంతుల్లో 5x4, 2x6) అర్ధశతకం చేశాడు. హైదరాబాదీ తిలక్‌ వర్మ (38*; 27 బంతుల్లో 3x4, 2x6) రాణించారు.
కమిన్స్‌ వీర విహారం చూసిన తర్వాత మీమర్లు రెచ్చిపోయారు. వైవిధ్యమైన మీమ్స్‌తో అలరిస్తున్నారు. ముంబయి బౌలర్లను కమిన్స్‌ ఎలా ఊచకోత కోశాడో మీమ్స్‌లో చూపిస్తున్నారు. మీమ్స్‌లో కొన్ని మీ కోసం..