Injured Players List For IPL 2023: ఐపీఎల్ 16వ సీజన్‌కు ముందు ఆటగాళ్ల గాయం జట్లకు పెద్ద సమస్యగా మారింది. టోర్నమెంట్‌కు ముందు చాలా మంది స్టార్ ప్లేయర్లు గాయపడ్డారు. వారు ఐపీఎల్ 2023లో టోర్నమెంట్‌లో భాగం కాలేరు. ఈ జాబితాలో ముంబై ఇండియన్స్ ఫాస్ట్ బౌలర్ జస్ప్రీత్ బుమ్రా, రిషబ్ పంత్, జానీ బెయిర్‌స్టో వంటి పెద్ద ఆటగాళ్లు ఉన్నారు.
జస్ప్రీత్ బుమ్రా చాలా కాలంగా వెన్ను గాయంతో పోరాడుతున్నాడు. రిషబ్ పంత్ ప్రమాదం తర్వాత కోలుకునే దశలో ఉన్నాడు. జానీ బెయిర్‌స్టో అతని కాలు విరిగినప్పటి నుండి కోలుకుంటున్నాడు. గాయపడిన ఆటగాళ్ల జాబితాలో భారత, విదేశీ ఆటగాళ్లు ఉన్నారు.
ఐపీఎల్ ప్రారంభానికి రోజులు తగ్గుతున్న కొద్దీ గాయపడిన ఆటగాళ్ల సంఖ్య పెరుగుతోంది. కొంత మంది ఆటగాళ్లు టోర్నీలో కొన్ని మ్యాచ్‌లకు దూరం కానున్నారు. అలాంటి ఆటగాళ్ల జాబితాలో కేకేఆర్ కెప్టెన్ శ్రేయాస్ అయ్యర్, ఆర్సీబీ స్టార్ బ్యాట్స్‌మెన్ రజత్ పటీదార్‌లు ఉన్నారు. శ్రేయస్ అయ్యర్ వెన్ను గాయంతో ఇబ్బంది పడుతుండగా, రజత్ పాటిదార్‌కు చీలమండ గాయం ఉంది. ఇద్దరూ ఇంకా పూర్తిగా బయటపడలేదు. అయితే ఈ ఆటగాళ్లు టోర్నమెంట్ ప్రారంభ మ్యాచ్‌లకు దూరం కావచ్చని చాలా మీడియా నివేదికలలో వార్తలు వస్తున్నాయి.
గాయం కారణంగా IPL 2023కి పూర్తిగా దూరం అయిన ఆటగాళ్ల జాబితా
జస్ప్రీత్ బుమ్రా - ముంబై ఇండియన్స్.
ఝే రిచర్డ్‌సన్ - ముంబై ఇండియన్స్.
రిషబ్ పంత్ - ఢిల్లీ క్యాపిటల్స్.
జానీ బెయిర్‌స్టో - పంజాబ్ కింగ్స్.
విల్ జాక్వెస్ - రాయల్ ఛాలెంజర్స్ బెంగళూరు.
కైల్ జేమిసన్ - చెన్నై సూపర్ కింగ్స్.
ప్రసిద్ధ కృష్ణ - రాజస్థాన్ రాయల్స్.
IPL 2023 కోసం దూరం అయ్యే అవకాశం ఉన్న ఆటగాళ్ల జాబితా
ముఖేష్ చౌదరి - చెన్నై సూపర్ కింగ్స్.
మొహ్సిన్ ఖాన్ - లక్నో సూపర్ జెయింట్స్.
శ్రేయాస్ అయ్యర్ - కోల్‌కతా నైట్ రైడర్స్.
రజత్ పాటిదార్ - రాయల్ ఛాలెంజర్స్ బెంగళూరు.
జోష్ హేజిల్‌వుడ్ - రాయల్ ఛాలెంజర్స్ బెంగళూరు.
నందమూరి బాలకృష్ణ ఐపీఎల్ మ్యాచ్‌లకు ప్రీ మ్యాచ్ కామెంటేటర్‌గా వ్యవహరించనున్నారు. ఈ మేరకు స్టార్ గ్రూప్ బాలకృష్ణతో ఒప్పందం కుదుర్చుకుంది. స్టార్ గ్రూప్ తన ట్విట్టర్ ఖాతా ద్వారా ఈ విషయాన్ని ప్రకటించింది.
క్రీడ‌ల‌ను, వినోదాన్ని మిక్స్ చేసి "ఇన్‌క్రెడిబుల్ యాక్ష‌న్‌..ఆట అన్‌స్టాపబుల్" ద్వారా స్టార్‌స్పోర్ట్స్ ప్రేక్ష‌కుల‌కు సరికొత్త స్థాయిలో వినోదాన్ని అందించనున్నారు. వేణుగోపాల్ రావు, ఎమ్మెస్కే ప్ర‌సాద్‌తో పాటు నందమూరి బాలకృష్ణ ఈ సారి కామెంట‌రీ బాక్స్‌ను షేర్ చేసుకోబోతున్నారు. ఆయ‌న తన అస‌మాన శైలితో ఆట‌పై క్రీడాభిమానుల దృక్ప‌థానికి త‌గిన‌ట్లుగా ఉత్సాహ‌భ‌రితంగా కామెంట‌రీ అందించనున్నారు. అంతేకాకుండా #AskStar ద్వారా అభిమానులు తొలిసారిగా నేరుగా టీవీ లైవ్‌లో పాల్గొనే అవకాశం కూడా అందించనున్నారు.
ఇండియన్‌ ప్రీమియర్‌ లీగు సరికొత్త సీజన్‌కు ఇంకెన్నో రోజుల్లేదు. మార్చి 31నే తొలి మ్యాచ్. డిఫెండింగ్‌ ఛాంపియన్‌ గుజరాత్‌ టైటాన్స్‌, నాలుగుసార్లు విజేత చెన్నై సూపర్ కింగ్స్ తలపడుతున్నాయి. ఎప్పట్లాగే ఈసారీ అన్ని జట్లను గాయాల బెడద వేధిస్తోంది. ఫిట్‌నెస్‌ సమస్యలు వెంటాడుతున్నాయి. ముంబయి ఇండియన్స్ సహా చాలా జట్లలో కీలక ఆటగాళ్లు లేరు. ఇప్పటి వరకు ఎవర్నీ రీప్లేస్‌మెంట్‌గా భర్తీ చేయలేదు. ఆఖరి నిమిషంలో నిర్ణయాలు తీసుకుంటారా అని అభిమానులు ఆందోళన చెందుతున్నారు.