Jr NTR meets Indian Players: హైదరాబాద్ లోని ఉప్పల్ స్టేడియం వేదికగా రేపు భారత్- న్యూజిలాండ్ మధ్య వన్డే మ్యాచ్ జరగనుంది. ఇప్పటికే ఇరు జట్లు భాగ్యనగరానికి చేరుకున్నాయి. టీమిండియా జట్టు నిన్న హైదరాబాద్ వచ్చింది. ఈ క్రమంలో తెలుగు నటుడు జూనియర్ ఎన్టీఆర్ భారత క్రికెటర్లను కలిశాడు. ప్రస్తుతం ఈ ఫొటోలు సోషల్ మీడియాలో వైరల్ గా మారాయి.
భారత క్రికెటర్లతో జూ. ఎన్టీఆర్
న్యూజిలాండ్ తో తొలి వన్డే కోసం హైదరాబాద్ వచ్చిన టీమిండియా క్రికెటర్లను తెలుగు ప్రముఖ నటుడు, యంగ్ టైగర్ ఎన్టీఆర్ కలిశారు. సూర్యకుమార్ యాదవ్, ఇషాన్ కిషన్, యుజువేంద్ర చాహల్, శార్దూల్ ఠాకూర్, శుభ్ మన్ గిల్ లతో కలిసి జూనియర్ ఎన్టీఆర్ ఉన్న ఫొటోలు సామాజిక మాధ్యమాల్లో వైరల్ అవుతున్నాయి. యుజువేంద్ర చాహల్ తన భార్య కోసం ఎన్టీఆర్ ఆటోగ్రాఫ్ తీసుకున్నారు. ఆ ఫొటోగ్రాఫ్‌ కూడా వైరల్‌గా మారింది. టీమిండియా క్రికెటర్లకు రేపటి మ్యాచ్ కోసం ఎన్టీఆర్ ఆల్‌ది బెస్ట్ చెప్పారు.
రేపట్నుంచి భారత్- న్యూజిలాండ్ సిరీస్ ప్రారంభం కానుంది. కివీస్ తో భారత్ 3 వన్డేలు, 2 టీ20లు ఆడనుంది. నేడు హైదరాబాద్ వేదికగా మొదటి వన్డే జరగనుంది.
న్యూజిలాండ్ తో వన్డేల కోసం భారత జట్టు
రోహిత్ శర్మ (కెప్టెన్), శుభ్ మన్ గిల్, ఇషాన్ కిషన్ (వికెట్ కీపర్), విరాట్ కోహ్లీ, శ్రేయస్ అయ్యర్, సూర్యకుమార్ యాదవ్, కేఎస్ భరత్ (వికెట్ కీపర్), హార్దిక్ పాండ్య (వైస్ కెప్టెన్), వాషింగ్టన్ సుందర్, షాబాజ్ అహ్మద్, శార్దూల్ ఠాకూర్, యుజువేంద్ర చాహల్, కుల్దీప్ యాదవ్, మహమ్మద్ షమీ, మహమ్మద్ సిరాజ్, ఉమ్రాన్ మాలిక్.