విరాట్ కోహ్లీపై టీమ్‌ఇండియా కొత్త సారథి రోహిత్ శర్మ ప్రశంసల వర్షం కురిపించాడు. పరిమిత ఓవర్ల క్రికెట్లో ఎప్పటికీ అతడు జట్టుకు విలువైన ఆస్తిగా పేర్కొన్నారు. పొట్టి క్రికెట్లో 50కి పైగా సగటు ఉండటం అత్యంత అరుదని వెల్లడించాడు. 'బ్యాక్‌స్టేజ్‌ విత్ బొరియా' షోలో అతడు మాట్లాడాడు.
టీ20 కెప్టెన్‌గా ఎంపికైన రోహిత్‌కే వన్డే పగ్గాలు అప్పగిస్తూ సెలక్షన్‌ కమిటీ బుధవారం నిర్ణయం తీసుకుంది. తెలుపు, ఎరుపు బంతి క్రికెట్‌ జట్లకు వేర్వేరు కెప్టెన్లు ఉండాలన్నదే తమ నిర్ణయమని తెలిపింది. వన్డేలకు నాయకత్వం వహిస్తానన్న కోహ్లీ కోరికను తిరస్కరించింది. కెప్టెన్సీ నుంచి దిగిపోయేందుకు రెండు రోజులు గడువిచ్చిన కమిటీ అతడే నిర్ణయం చెప్పకపోవడంతో వేటు వేసిందని తెలిసింది. ఇలాంటి సందర్భంలో రోహిత్ ఇంటర్వ్యూ టెలికాస్ట్‌ అవ్వడం, అతడు ప్రశంసలు కురిపించడం సంచలనంగా మారింది.
'విరాట్ కోహ్లీ వంటి నాణ్యమైన బ్యాటర్‌ జట్టుకెప్పటికీ అవసరం. టీ20 ఫార్మాట్లో 50 ప్లస్‌ సగటు ఉండటం అంత సులభం కాదు. నిజంగా ఇది క్రేజీ! తన అనుభవంతో జట్టును ఎన్నోసార్లు కష్టాల్లోంచి తప్పించాడు. అతడిలోని నాణ్యత, బ్యాట్స్‌మన్‌షిప్‌ చాలా అవసరం. అతనిప్పటికీ నాయకుడే. ఇవన్నీ కలుపుకుంటే అతడిని మిస్సవాలని ఎవరూ కోరుకోరు. అతడిని ఎవరూ విస్మరించరు. అతడి ఉనికి జట్టుకెంతో అవసరం' అని రోహిత్ అన్నాడు.
ఒకవైపు కోహ్లీని రోహిత్ పొగుడుతోంటే వన్డే కెప్టెన్‌గా ఎంపికైన అతడికి విరాట్ కనీసం గుడ్‌లక్‌ అంటూ అభినందనలూ తెలపకపోవడం గమనార్హం.
Also Read: ICC Test Rankings: మయాంక్‌ దూకుడు..! 10 వికెట్ల అజాజ్‌ ర్యాంకు ఎంత మెరుగైందంటే..!
Also Read: Watch: మళ్లీ కలిసిన యువీ, ధోనీ..! ఎక్కడ.. ఎందుకు?
Also Read: Australian Open 2022: ఆస్ట్రేలియన్ ఓపెన్‌కు ఆ స్టార్ ఆటగాడు దూరం.. వీరిద్దరికీ లక్కీ చాన్స్!
Also Read: Rahul Dravid: ద్రవిడ్‌ శాసనం..! కుంబ్లే నాటి రూల్‌ కఠినతరం చేసిన వాల్‌.. ఇక ఎంత పెద్ద ఆటగాడైనా..!!
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి