జ్యోతిష శాస్త్రంలో పుట్టిన తేదిని అనుసరించి ఎవరు ఎలాంటి లోహ తో చేసిన నగలు ధరిస్తే అదృష్టం కలిసి వస్తుందో స్పష్టంగా చెప్పారు. ఇలా పుట్టిన తేదీతో కలిసే లోహాన్ని ధరించడం వల్ల వారి జీవితంలో ఆటంకాలు తొలగిపోతాయట. ఏ తేదీల్లో పుట్టిన వారు ఏ లోహంతో చేసిన నగలు ధరించాలో, శాస్త్రం ఎలాంటి సూచనలు చేసిందో తెలుసుకుందాం.


పండితుల సలహాతో మీ పుట్టిన తేదీని అనుసరించి బంగారం, వెండి, రాగి వంటి లోహాలతో చేసిన నగలు ధరించి జీవితాన్ని ఆనందంగా, సౌకర్యంగా గడిపే అవకాశం ఉంటుందట. ఇలా అనుకూలమైన లోహం ధరించడం అదృష్టం మారిపోతుందని జ్యోతిషం చెబుతోంది. ప్రతి లోహానికి కూడ జ్యోతిషంలో ప్రత్యేక స్థానం ఉంటుంది.


బర్త్ నెంబర్ 1


1, 10, 28 తేదీల్లో పుట్టిన వారి బర్త్ నెంబర్ 1గా చెప్పవచ్చు. వీరికి బంగారం బాగా కలిసి వచ్చే లోహం. న్యూమరాలజీ ప్రకారం ఫిబ్రవరి, ఏప్రిల్, ఆగష్టు నెలలు నెంబర్ 1కి చెందుతాయి. ఈనెలల్లో పుట్టిన వారికి కూడా బంగారం ధరించడం వల్ల అదృష్టం కలిసి వస్తుంది.


బర్త్ నెంబర్ 2


2, 11, 20 తేదీల్లో పుట్టిన వారు బర్త్ నెంబర్ 2కి చెందుతారు. న్యూమరాలజీ ప్రకారం మే, జులై నెలలు నెంబర్ 2 కి వర్తిస్తాయి. బర్త్ నెంబర్ 2కి చెందిన వారు వెండి ఆభరణాలు ధరిస్తే చాలా మేలు జరుగుతుంది.


బర్త్ నెంబర్ 3


మార్చ్, డిసెంబర్ నెలలు న్యూమరాలజీని అనుసరించి బర్త్ నెంబర్ 3కు చెందుతాయి. 3, 12, 21 తేదిలు కూడా బర్త్ నెంబర్ 3 కు చెందుతాయి. వీరు తగరంతో చేసిన ఆభరణాలు ధరించాలి.


బర్త్ నెంబర్ 4


న్యూమరాలజీ ప్రకారం ఫిబ్రవరి, ఏప్రిల్, ఆగష్టు నెలలు బర్త్ నెంబర్ 4కు చెందుతాయి. 4,13, 22, 31 తేదీల్లో పుట్టిన వారి బర్త్ నెంబర్ 4. వీరికి యురానియం లక్కీ మెటల్.


బర్త్ నెంబర్ 5


5,14, 23 తేదీలు బర్త్ నెంబర్ 5కి చెందుతారు. జూన్, సెప్టెంబర్ నెలలు కూడా నెంబర్ 5కి చెందుతాయి. నెంబర్ 5 వారికి కూడా వెండి అదృష్టం తెచ్చే లోహం.


బర్త్ నెంబర్ 6


మే, అక్టోబర్ నెలల్లో పుట్టినవారు.. 6, 15, 24 రోజుల్లో పుట్టినవారు బర్త్ నెంబర్ 6 కు చెందుతారు. వీరికి రాగి కలిసి వచ్చే లోహం.


బర్త్ నెంబర్ 7


7, 16, 25 తేదీలు బర్త్ నెంబర్ 7కి చెందుతారు. యూరేనియం వీరికి అదృష్టాన్ని ఇచ్చే లోహం.


బర్త్ నెంబర్ 8


ఏదైనా నెలలో 8, 17, 26 పుట్టిన వారు బర్త్ నెంబర్ 8కి చెందుతారు. జనవరి, అక్టోబర్ నెలలు కూడా 8 సంఖ్యకు చెందుతాయి. వీరికి లెడ్ కలిసివచ్చే లోహం.


బర్త్ నెంబర్ 9


9, 18,27 తేదీలు, ఏప్రిల్, నవంబర్ నెలలు బర్త్ నెంబర్ 9కి చెందుతాయి. వీరికి ఇనుము కలిసి వచ్చే లోహం. ఈ నెలల్లో లేదా ఈ తేదిల్లో పుట్టిన వారు ఇనుము ధరించడం వల్ల అదృష్టం కలిసి వస్తుంది.


Also Read : నరసింహ స్వామిని ఆరాధిస్తే ఆ బాధలన్నీ తొలగిపోతాయా? ఆ అవతారం ప్రత్యేకతలేమిటీ?











Disclaimer: ఇక్కడ అందించిన సమాచారం కేవలం మత విశ్వాసాల మీద ఆధారపడి సేకరించింది మాత్రమే. వివిధ శాస్త్రాలు, గ్రంథాలు, పండితులు పేర్కొన్న కొన్ని ఆధ్యాత్మిక అంశాలు, పరిష్కారాలను ఇక్కడ యథావిధిగా అందించాం. దీనికి సంబంధించిన శాస్త్రీయ ఆధారాలకు.. ‘ఏబీపీ దేశం’ ఎలాంటి భాధ్యత తీసుకోదు. ఈ సమాచారాన్ని పరిగణనలోకి తీసుకునే ముందు పండితులను సంప్రదించి పూర్తి వివరాలు తెలుసుకోగలరు. ‘ఏబీపీ దేశం’, ‘ఏబీపీ నెట్‌వర్క్’ ఈ విషయాలను దృవీకరించడం లేదు.