In Pics: వీణా వాణితో మంత్రులు సబిత, సత్యవతి - స్వీట్లు తినిపించి అభినందనలు, ఈ అద్దం సంగతి ఏంటో తెలుసా?

అవిభక్త కవలలు వీణా వాణీ ఇంటర్ పరీక్షల్లో ఫస్ట్ క్లాస్ లో పాసైన సంగతి తెలిసిందే.

ఇంటర్ ఫస్టియర్, సెకండియర్ మార్కులు మొత్తం కలిపి వీణా 712 మార్కులు, వాణీ 707 మార్కులు సాధించారు.

వీణా వాణీ ఇంటర్ ఫస్ట్ క్లాస్ లో పాసైన సందర్భంగా యూసఫ్ గూడలోని మహిళాభివృద్ధి శిశు సంక్షేమశాఖ కమిషనరేట్ కార్యాలయంలో మంత్రులు సబితా ఇంద్రారెడ్డి, సత్యవతి రాథోడ్ కలిశారు.

ఈ సందర్భంగా వారిని అభినందించిన మంత్రులు వీణా వాణికి స్వీట్లు తినిపించి శుభాకాంక్షలు తెలిపారు.

కాసేపు మంత్రులు ఇద్దరూ వారితో ముచ్చటించారు. తాము సీఏ కావాలని కోరుకుంటున్నామని వీణ, వాణి మంత్రులతో చెప్పారు.

అయితే, వీణ చేతిలో ఉన్న ఒక అద్దం వారి పరిస్థితిని చాటుతోంది. వెనుక నుంచి ఎవరైనా మాట్లాడితే తలతిప్పి వారిని చూడలేని స్థితిలో ఈ ఇద్దరిలో ఒకరు ఎప్పుడూ ఉంటారు. అందుకోసం వెనుక ఉన్నవారిని చూసి మాట్లాడేందుకు ఈ అద్దం వాడుతున్నారు.

నిన్న ఇంటర్ మార్కులు విడుదలయ్యాక ఆనందంలో వీణా వాణి

శిశుసంక్షేమ మంత్రి సత్యవతి రాథోడ్ నిన్న కూడా వీణా వాణి ని కలిశారు.

ఫస్ట్ క్లాస్‌లో పాసైనందుకు వారిని మంత్రి అభినందించారు.