In Pics: కేటీఆర్‌ను హత్తుకుంటున్న ఈ సత్తెమ్మ ఎవరు? ప్రకటించిన కేటీఆర్, చెయ్యి పట్టుకొని నడిచేంత చనువు - అసలు ఎవరీమె?

ఆమె కేసీఆర్‌కు, కేటీఆర్‌కు వీరాభిమాని. పేరు జిందం సత్తమ్మ. స్వస్థలం రాజన్న సిరిసిల్ల జిల్లా. కేసీఆర్, కేటీఆర్‌కు ఎంత క్లోజ్ అంటే మంత్రి ఎప్పుడైనా సొంత నియోజకవర్గ పర్యటనకు వెళ్తే ఆయన్ను సులభంగా కలవగలదు.

ఆమెతో గతంలో దిగిన ఫోటోలను కేటీఆర్ ట్వీట్ చేశారు. అందులో ఆమె ఎంతో ఉత్సాహంతో టీఆర్ఎస్ కరపత్రాన్ని చూపిస్తున్న ఫోటో ఉంది. ఎలాంటి కల్మషం లేని ఆమె ముఖంలో తన అభిమాన నేతలు, పార్టీ పత్రాన్ని సగర్వంగా పైకెత్తి చూపిస్తున్నారు.

కేటీఆర్ సొంత నియోజకవర్గం పర్యటనలో సత్తెమ్మ చేతిని పట్టుకొని ఉన్న ఫోటో, ఆయన్ను ఆలింగనం చేసుకుంటున్న ఫోటో వైరల్ అవుతోంది. తెలంగాణ ఉద్యమ సమయంలోనూ కేటీఆర్ పక్కనే ఉండి విజయ చిహ్నం చూపుతున్న ఫోటో కూడా మంత్రి ట్వీట్ చేశారు.

‘‘టీఆర్ఎస్‌కు ఉన్న స్పెషల్ మద్దతుదారును మీకు పరిచయం చేయాలనుకుంటున్నాను. నా సొంత జిల్లాకు చెందిన ఈమె జిందం సత్తెమ్మ. కేసీఆర్ గారికి హార్డ్ కోర్ ఫ్యాన్. సపోర్టర్. ఈమె తెలంగాణ ఉద్యమ సమయం నుంచి నాకు ఒక కీలక మద్దతుదారుగా ఉంది. ఈ అపరిమిత ప్రేమ, ఆప్యాయతకు ధన్యవాదాలు’’ అని కేటీఆర్ ట్వీట్ చేశారు.