Kavitha At Home| తన నివాసానికి చేరుకున్న కవితకు అమ్మ ఆశీర్వాదాలు, వెంటనే కేటీఆర్‌కు రాఖీ కట్టి!

శంషాబాద్ ఎయిర్ పోర్ట్ నుంచి బయలుదేరిన బీఆర్ఎస్ ఎమ్మెల్సీ కవిత హైదరాబాద్ లో తన నివాసానికి చేరుకున్నారు.

ఐదు నెలల తరువాత ఇంటికి తిరిగొచ్చిన కవితకు హారతి ఇచ్చి ఇంట్లోకి ఆహ్వానించారు. దిష్టి తీసిన అనంతరం అమ్మ ఆశీర్వాదం తీసుకున్నారు కవిత. సోదరుడు కేటీఆర్ కు కవిత రాఖీ కట్టారు.

తల్లిని చూడగానే కవిత భావోద్వేగానికి లోనయ్యారు. కుటుంబసభ్యులు కవితను ఆప్యాయంగా పలకరించారు. కవిత రాకతో ఇంట్లో పండుగ వాతావరణం కనిపించింది.

తన వదిన, కేటీఆర్ భార్య శైలిమ, కవిత ఆప్యాయంగా ఆలింగనం చేసుకున్నారు. క్షేమ సమాచారం అడిగి తెలుసుకున్నారు.

ఢిల్లీ నుంచి ప్రత్యేక విమానంలో బయలుదేరిన కవిత, కేటీఆర్ శంషాబాద్ ఎయిర్ పోర్టుకు చేరుకున్నారు. కవితకు బీఆర్ఎస్ శ్రేణులు ఘనస్వాగతం పలికారు.

శంషాబాద్ ఎయిర్ పోర్టు నుంచి భారీగా కార్లతో ర్యాలీగా వచ్చి బంజారాహిల్స్ లోని తన నివాసానికి కవిత, కేటీఆర్ చేరుకున్నారు.

న్యాయ బద్ధమైన పోరాటం గెలిచిందని, కడిగిన ముత్యంలా బయటకు వస్తాను అన్నారు కవిత. ప్రజా క్షేత్రంలో ఇంకా బలంగా పనిచేస్తానని చెప్పారు.

తాను ఏ తప్పు చేయలేదని, కేసీఆర్ కూతుర్ననే తనపై కుట్ర చేశారని కవిత ఆరోపించారు. ప్రజల కోసం పోరాటం కొనసాగిస్తామన్నారు.