IPL 2025 KKR vs RCB: అదరగొట్టిన ఆర్సీబీ .. మెరిసిన సాల్ట్, కోహ్లి, కృనాల్‌.. ఫోటోలివిగో

. ఐపీఎల్ 18వ సీజన్ సందడి చేస్తోంది. క్రికెట్ ఫ్యాన్స్ కు ఫుల్ జోష్ అందిస్తోంది.

తొలి మ్యాచ్ లో రాయల్‌ ఛాలెంజర్స్‌ బెంగళూరు శుభారంభం చేసింది. శనివారం టోర్నీ ప్రారంభ మ్యాచ్‌లో 7 వికెట్ల తేడాతో కోల్‌కతా నైట్‌రైడర్స్‌ను చిత్తుగా ఓడించింది.

టాస్ గెలిచిన ఆర్సీబీ, మొదట బౌలింగ్ ఎంచుకుంది. టాస్ ఓడి బ్యాటింగ్ కు దిగిన కోల్ కతా 20 ఓవర్లలో 8 వికెట్ల నష్టానికి కేకేఆర్ 174 పరుగులకే పరిమితమైంది.

కెప్టెన్‌ రహానె, సునీల్‌ నరైన్‌ బలమైన పునాది వేసినా.. మిగతా బ్యాటర్ల వైఫల్యం ఆ జట్టును దెబ్బతీసింది.

175 పరుగుల లక్ష్యాన్ని ఛేదించేందుకు దిగిన బెంగళూరు రాయల్ ఛాలెంజర్స్ జట్టు ఆరంభం నుంచే దూకుడుగా చూపించింది. .

సాల్ట్‌ ఆకాశమే హద్దుగా చెలరేగిపోయాడు. కళ్లు చెదిరే షాట్లతో స్కోరు బోర్డును పరుగులు పెట్టించాడు.

95 వద్ద సాల్ట్ ఔటైనా కంగారు పడాల్సిన అవసరం లేకుండా కోహ్లి చక్కని బ్యాటింగ్‌ను కొనసాగించాడు.

ఉత్కంఠగా సాగిన మ్యాచ్‌లో 16.2 ఓవర్లలో 3 వికెట్లు కోల్పోయి 177 పరుగులు చేసి ఆర్సీబీ విజయం సాధించి, తమ సీజన్‌ను ఘనంగా ఆరంభించింది.