MI vs UPW: ముంబయిని స్టన్‌ చేసిన వారియర్జ్‌!

విమెన్‌ ప్రీమియర్‌ లీగులో తొలిసారి ఆ జట్టు ఓటమి పాలైంది. 128 పరుగుల లక్ష్య ఛేదనకు దిగిన యూపీ వారియర్జ్‌ను కట్టడి చేయలేకపోయింది.

మొదట ముంబయి 20 ఓవర్లకు 127 పరుగులకు ఆలౌటైంది. హేలీ మాథ్యూస్‌ (35; 30 బంతుల్లో 1x4, 3x6), ఇస్సీ వాంగ్‌ (25; 19 బంతుల్లో 4x4, 1x6) టాప్‌ స్కోరర్లు.

సోఫీ ఎకిల్‌స్టోన్‌ (3/15), రాజేశ్వరీ (2/16), దీప్తి (2/35) దెబ్బకు హర్మన్‌సేన విలవిల్లాడింది.

తక్కువ లక్ష్యమే అయినా ముంబయి ఇండియన్స్‌ ఆఖరి ఓవర్‌ వరకు పోరాడింది. తాహిలా మెక్‌గ్రాత్‌ (38; 25 బంతుల్లో 6x4, 1x6), గ్రేస్‌ హ్యారిస్‌ (39; 28 బంతుల్లో 7x4) యూపీకి విజయం అందించారు.

హ్యారిస్, మెక్ గ్రాత్ ను ఔట్ చేసి అమెలియా కెర్ కాస్త టెన్షన్ పెట్టింది.

ఆఖరి 6 బంతుల్లో 5 అవసరం కాగా తొలి 2 బంతులు బీటయ్యాయి. మూడో బంతిని ఎకిల్‌ స్టోన్‌ (16 నాఔట్‌) సిక్సర్‌ బాదేసి మ్యాచ్ ఫినిష్ చేసింది.