Team India with PM Modi: ప్రధాని మోదీతో విశ్వవిజేతలు, స్పెషల్ జెర్సీ చూశారా మీరు

టీ20 వ‌ర‌ల్డ్‌క‌ప్‌ విజేతగా నిలిచిన భార‌త జ‌ట్టు ప్రధాని మోదీని కలిశారు. బార్బడోస్‌ నుంచి ఢిల్లీకి చేరిన ఆటగాళ్లు ప్రధానమంత్రి అధికారిక నివాసంలో ఆయనతో సమావేశం అయ్యారు.

ప్రపంచ కప్ సమయంలో తమ భావోద్వేగ క్షణాలను మోదీతో పంచుకున్నారు. ఈ సంద‌ర్భంగా మోదీ ప్ర‌తి క్రికెట‌ర్ తోనూ ఆప్యాయంగా మాట్లాడారు.

టీ 20 ఫార్మెట్ క్రికెట్ కు రిటైర్మెంట్ ప్రకటించిన రోహిత్, కోహ్లీ, జడేజాలకు ప్రత్యేక ధన్యవాదాలు చెప్పారు మోడీ. అలాగే కోచ్ గా పదవీ విరమణ చేయనున్న ద్రావిడ్ తోనూ ప్రత్యేకంగా సంభాషించారు.

టీ20 ప్రపంచకప్‌లో బరిలోకి దిగిన జెర్సీ తరహాలోనే ఉన్నప్పటికీ ఇప్పుడు ఆటగాళ్ళు వేసుకున్న జెర్సీ లో 2 ప్రత్యేకతలు ఉన్నాయి. ఒకటి జెర్సీ ముందు భాగంలో ‘ఇండియా’ కింద ‘ఛాంపియన్స్’ అని అలాగే ఎడమవైపు ఉండే బీసీసీఐ లోగోపై రెండు స్టార్లను ప్రత్యేకంగా ముద్రించారు.

1983లో జగజ్జేతలతో ఇలా... 1983లో తొలిసారి ప్రపంచకప్‌ను గెలిచిన కపిల్‌ దేవ్‌ సేనతో ఉక్కుమహిళ ఇందిరాగాంధీ.. ప్రతిష్టాత్మక లార్డ్స్‌లో జరిగిన ఆ మ్యాచ్‌లో ప్రపంచ ఛాంపియన్స్‌ విండీస్‌ను మట్టికరిపించి భారత్‌ విశ్వ విజేతగా నిలిచింది.

1989లో వెస్టిండీస్‌ నుంచి నిర్వేదంతో తిరిగి వస్తున్న టీమిండియా ఆటగాళ్లు. ఆ సిరీస్‌లో భారత్‌ టెస్ట్‌.. వన్డే సిరీస్‌ను కోల్పోయింది.