Team India Return: సగర్వంగా స్వదేశానికి వచ్చిన ఆటగాళ్ళు, ఎక్కడ చూసినా అభిమానుల సందడే
టీ 20 ప్రపంచ కప్ సాధించి దేశ రాజధానికి చేరుకున్న విజేతలకు అభిమానులు ఘనంగా స్వాగతం పలికారు. న్యూఢిల్లీ ఎయిర్పోర్టు లో అభిమానులకు రోహిత్ శర్మ ట్రోఫీని చూపిస్తూ కనువిందు చేశాడు.
Download ABP Live App and Watch All Latest Videos
View In AppT20 ప్రపంచ కప్ 2024 లో ప్రతి ఆటగాడి పాత్ర మారువలేనిది . ఫైనల్ మ్యాచ్ లో సూర్య కుమార్ యాదవ్ పట్టుకున్న అద్భుతమైన క్యాచ్ జట్టును సగర్వంగా గెలుపు వైపు నడిపించింది. నువ్వు పట్టుకున్నది బంతిని కాదు ట్రోఫీని అంటూ ఫాన్స్ స్కై పై అభిమానం కురిపించారు.
అపజయాలకు, విమర్శలకు అసలు స్పందించని హార్దిక్ పాండ్య సాధించిన విజయమే అతని గురించి మాట్లాడేలా చేసింది. అటు బౌలింగ్, ఇటూ బ్యాటింగ్ లో అదరగొట్టిన ఈ ఆల్ రౌండర్ ఈ విజయంతో తను జట్టుకు ఎంత అవసరమో తేల్చి చెప్పాడు.
అభిమానుల కేరింతల మధ్య ఆటగాళ్లు ఎయిర్పోర్టు నుంచి బయటకు వస్తూ చిరునవ్వులు చిందించారు. ఫైనల్స్ లో అద్భుతంగా రాణించిన కోహ్లీ అభిమానులకు అభివాదం చేస్తు బస్ ఎక్కాడు.
భారత క్రికెటర్లను స్వాగతించడానికి ఇందిరా గాంధీ అంతర్జాతీయ విమానాశ్రయంలో గుమ్మిగూడిన అభిమానులకు రోహిత్ శర్మ తన చేతిలో ఉన్న కప్పు చూపిన ఆ క్షణం అందరూ ఆనంద పరవసులయ్యారు.
విజయంతో తిరిగి వచ్చిన ఆటగాళ్ళను చూసి ప్రకృతి కూడా పరవశించిందేమో పొద్దున్న నుంచి చిరు జల్లులు కురుస్తూనే ఉన్నాయి, అటు అభిమానుల అభిమానంలోనూ , ఇటు చిరుజల్లుల పరవశం లోను టీం ఇండియా తడిసి ముద్దయ్యింది.