Indian Navy Day 2024 Photos: కళ్లు చెదిరే యుద్ధ విన్యాసాలు ప్రదర్శించిన ఇండియన్ నేవీ

దాదాపుగా అయిదు దశాబ్దాలుగా విశాఖపట్నంలో నేవీ డే వేడుకలు ఘనంగా నిర్వహించేవారు. కానీ ఈ ఏడాది నేవీ డే సెలబ్రేషన్స్‌కు ఒడిశాలోని పూరీ తీరం వేదికగా మారింది.

నావికాదళ దినోత్సవం 2024 (Navy Day) సందర్భంగా పూరీలోని 'బ్లూ ఫ్లాగ్ బీచ్' వద్ద ఇండియన్ నేవీ అద్భుత సైనిక విన్యాసాలు ప్రదర్శించింది. ఈ నేవీ డేలో సుప్రీం కమాండర్ ఆఫ్ చీఫ్, భారత రాష్ట్రపతి ద్రౌపది ముర్ము పాల్గొన్నారు. బిజీ షెడ్యూల్ నుంచి ఆమె నేవీ డే కోసం విలువైన సమయాన్ని కేటాయించారు.

సూర్య దేవాలయం, నావికాదళం సొంత 'సన్‌రైజ్ కమాండ్' ఉన్న గడ్డమీదకు వచ్చిన అందరికీ నేవీ తరఫున నేవీ చీఫ్ అడ్మిరల్ దినేష్ కే త్రిపాఠి స్వాగతం పలికారు. సముద్ర వాణిజ్యం యొక్క అభివృద్ధి చెందిన కేంద్రంగా ఉన్న గొప్ప సముద్రయాన 'కళింగ' సామ్రాజ్యం పోర్ట్‌లలో ఒకదానికి స్వాగతిస్తున్నాం అన్నారు.

నాటి నుంచి ఇప్పటికీ సైతం ఒడిశా ప్రజలు సముద్రాలతో తమ అనుబంధానికి గుర్తుగా కార్తీక పూర్ణిమ రోజు 'బలి జాత్ర' లేక 'బోయిటా బందన' జరుపుకుంటారు. గత ఏడాది దక్షిణ మహాసముద్రంలో ప్రయాణిస్తున్న INSV తారిణితో సహా, అట్లాంటిక్ నుంచి పసిఫిక్ వరకు మహాసముద్రాల మీదుగా అనేక విజయాలు భారత నావికాదళ స్థాయిని ప్రపంచ వ్యాప్తంగా పెంచాయి.

భారత నావికాదళ విభాగం పోరాట సంసిద్ధతను కలిగి ఉంటుంన్నారు. ప్రధాన మంత్రి నరేంద్ర మోదీ నిర్ణయాలకు అనుగుణంగా 'ఈ ప్రాంతంలోని అందరికీ భద్రత కల్పిస్తున్నాం. దేశ అభివృద్ధిలో బాధ్యతాయుతమైన భాగస్వామిగా మన ప్రతిష్టను బలోపేతం చేస్తామన్నారు.

నేటి 'ఆపరేషనల్ డెమోన్‌స్ట్రేషన్' సముద్రంలో ఏం చేయగలం అనేది చేసి చూపించాం. నేవీ వృత్తి నైపుణ్యాన్ని, మన ఉద్దేశ్యాన్ని నేవీ డే సందర్భంగా అద్భుతంగా ప్రదర్శించామన్నారు నేవీ చీఫ్ అడ్మిరల్. 1971లో పాకిస్తాన్ నుంచి సబ్ మెరైన్‌ను దెబ్బకొట్టి భారత నేవీ చరిత్ర సృష్టించిందని గుర్తు చేసుకున్నారు.

నావికాదళ దినోత్సవం సందర్భంగా దేశ పౌరులందరికీ రాష్ట్రపతి ద్రౌపది ముర్ము శుభాకాంక్షలు తెలిపారు. 142 కోట్ల మంది భారతీయ నావికాదళం దేశ ప్రజలందరి నేవీ టీమ్ అని అన్నారు.

భారత సముద్ర జలాల పరిధిలో దేశ ప్రయోజనాలను కాపాడేందుకు భారత నావికాదళం ఎల్లప్పుడూ పోరాటానికి సిద్ధంగా ఉంటుందన్నారు. సమ్మిళిత, విశ్వసనీయమైన భవిష్యత్తుకు శక్తిని ఇస్తుందని సుప్రీం కమాండర్ ‌గా దేశ ప్రజలకు చెబుతున్నానని రాష్ట్రపతి ముర్ము అన్నారు.

పూరీకి వచ్చి నేవీ సిబ్బందితో కలిసి భారత నావికాదళ దినోత్సవాన్ని జరుపుకున్నందుకు రాష్ట్రపతి ద్రౌపది ముర్ముకు నేవీ చీఫ్ అడ్మిరల్ దినేష్ కే త్రిపాఠి హృదయపూర్వక కృతజ్ఞతలు తెలిపారు.

భారత నావికాదళం ప్రదర్శించిన యుద్ధ విన్యాసాలు అందర్నీ ఆకట్టుకున్నాయి. దేశం కోసం ఏ త్యాగానికైనా సిద్ధమనేలా వారి ధైర్య సాహసాలతో విన్యాసాలు ప్రదర్శించారు.