Telugu Indian Idol Season 3: 'ఇంద్ర'లో చిరంజీవి వీణ స్టెప్ వేసిన తమన్ - ఆయన డ్యాన్సులో గ్రేస్ చూశారా?

సంగీత దర్శకుడిగా కంటే నటుడిగా ముందు తెరంగేట్రం చేశారు తమన్. శంకర్ దర్శకత్వం వహించిన 'బాయ్స్'లో నటించారు. పాటలకు డ్యాన్స్ చేశారు. నటన పక్కన పెట్టి... సంగీత దర్శకుడిగా బిజీ అయ్యాక ఆయన యాక్ట్ చేయలేదు. ప్రీ రిలీజ్ వేడుకల్లో సరదాగా కాలు కదిపిన సందర్భాలు తప్ప వేరేవి లేవు. అటువంటి తమన్ ఇప్పుడు మళ్ళీ డ్యాన్స్ చేశారు. 

వీణ స్టెప్ అంటే తెలుగు ప్రేక్షకులకు ఏం సందేహం లేకుండా గుర్తుకు వచ్చేది మెగాస్టార్ చిరంజీవి. 'ఇంద్ర' సినిమాలోని 'దాయి దాయి దామ్మా' పాటలో ఆయన వేసిన వీణ స్టెప్ అంత పాపులర్ మరి. 

తెలుగు ఇండియన్ ఐడల్ సీజన్ 3 స్టేజి మీద తమన్ వీణ స్టెప్ వేశారు. ఆయన ఈ స్టెప్ ఎందుకు వేయాల్సి వచ్చిందో తెలుసా?

తమన్ పాడకుండా, హమ్ చేయకుండా ఎదుటి వ్యక్తికి సాంగ్ గురించి చెప్పి... ఆ పాట ఏమిటనేది వారితో చెప్పించాలి. డమ్ షరాడ్స్ అన్నమాట. 'ఇంద్ర'లోని 'దాయి దాయి దామ్మా...' సాంగ్ గురించి చెప్పారు. దాని వివరించడం కోసం తమన్ వీణ స్టెప్ వేశారు. అదీ సంగతి!

తమన్ తో పాటు సింగర్ శ్రీరామ చంద్ర సైతం వీణ స్టెప్ వేశారు. 'తెలుగు ఇండియన్ ఐడల్ 3' ఇప్పుడు ఫైనల్స్ వరకు చేరుకుంది. టాప్ 5 కంటెస్టెంట్లు టైటిల్ కోసం పోటీ పడుతున్నారు. ఎవరు విజేతగా నిలుస్తారో చూడాలి.