Kajal Aggarwal: ఎల్లో శారీలో మెరిసిపోతున్న అందాల చందమామ - కాజల్ అగర్వాల్ లేటెస్ట్ పిక్స్ వైరల్

దక్షిణాది అగ్ర కథానాయిక, అందాల చందమామ కాజల్ అగర్వాల్ గత రెండు దశాబ్దాలుగా సినీ అభిమానులను అలరిస్తూ వస్తోంది.

2004లో 'క్యూన్! హో గయా నా' అనే హిందీలో సినిమాతో తెరంగేట్రం చేసిన కాజల్.. 2007లో 'లక్ష్మీ కల్యాణం' చిత్రంతో హీరోయిన్ గా టాలీవుడ్ లో ఎంట్రీ ఇచ్చింది.

'చందమామ' సినిమాతో తెలుగు ప్రేక్షకుల హృదయాలను కొల్లగొట్టిన ఈ బ్యూటీ.. 'మగధీర' మూవీతో స్టార్ స్టేటస్ సాధించింది. ఆ తర్వాత కొన్నేళ్లపాటు ఆమె వెనక్కి తిరిగి చూసుకోవాల్సిన అవసరం రాలేదు.

మూడు పదుల వయసు దాటిన తర్వాత కూడా కుర్ర భామలకు పోటీ ఇస్తూ వరుస అవకాశాలు అందుకుంది. ఓవైపు కుర్ర హీరోలతో రొమాన్స్ చేస్తూనే, మరోవైపు సీనియర్ హీరోలకు జోడీగా నటించడం ఆమెకే చెల్లింది.

కోవిడ్ పాండమిక్ టైంలో గౌతమ్ కిచ్లుని పెళ్లి చేసుకొని వివాహ బంధంలో అడుగుపెట్టిన కాజల్.. ఆ తర్వాత కూడా సినిమాల్లో నటిస్తూ వస్తోంది.

ప్రస్తుతం తన కుమారుడి ఆలనా పాలనా చూసుకుంటూ, పర్సనల్ లైఫ్ ను ప్రొఫెషనల్ లైఫ్ ను పర్ఫెక్ట్ గా బ్యాలన్స్ చేస్తూ ముందుకు సాగుతోంది.

కాజల్ ప్రధాన పాత్రలో నటించిన ‘సత్యభామ’ సినిమా అన్ని కార్యక్రమాలు పూర్తి చేసుకుని విడుదలకు సిద్ధమైంది. సుమన్ చిక్కాల దర్శకత్వం వహించిన ఈ క్రైమ్ థ్రిల్లర్ 2024 జూన్ 7న ప్రేక్షకుల ముందుకు రానుంది.

‘సత్యభామ’ మూవీ ప్రమోషన్స్ లో భాగంగా తాజాగా అమ్మడు ఇన్స్టాగ్రామ్ లో షేర్ చేసిన ఫొటోలు నెట్టింట వైరల్ గా మారాయి. ఎల్లో శారీలో చందమామలా మెరిసిపోతున్న ఆమె అందాలకు నెటిజన్లు ఫిదా అవుతున్నారు.

కాజల్ అగర్వాల్ చేతిలో 'ఇండియన్ 2' లాంటి క్రేజీ మూవీ కూడా ఉంది. శంకర్ దర్శకత్వంలో కమల్ హాసన్ ప్రధాన పాత్రలో తెరకెక్కించిన ఈ పొలిటికల్ థ్రిల్లర్.. జూలై 12న రిలీజ్ కానుంది.

కాజల్ అగర్వాల్ లేటెస్ట్ ఫోటోలు