Happy Birthday Monal: బ్యాంక్ ఉద్యోగం విడిచి మోడలింగ్‌లోకి - మోనాల్ గజ్జర్ గురించి ఈ ఆసక్తికర విషయాలు తెలుసా?
Monal Gajjar birthday today: మోనాల్ గజ్జర్ గురించి ప్రత్యేకంగా పరిచయం అవసరం లేదు. అల్లరి నరేష్‌ సుడిగాడు సినిమాతో టాలీవుడ్‌కు పరిచయమైన ఈ బ్యూటీ ఆ తర్వాత పలు చిత్రాల్లో నటించింది. అయితే హీరోయిన్‌గా కంటే కూడా బిగ్బాస్ రియాలిటీ షోతో తెలుగులో మంచి గుర్తింపు పొందింది.
Download ABP Live App and Watch All Latest Videos
View In Appబిగ్బాస్ 4 సీజన్‌లో పాల్గొన్న మోనల్‌ తనదైన ఆట తీరుతో ఆకట్టుకుంది. ప్రస్తుతం పలు పలు డ్యాన్స్‌ షోలకు జడ్జీగా వ్యవహరిస్తున్న మోనాల్ మరోవైపు గుజరాత్‌లో వరుస సినిమాలు చేస్తుంది. అలా కెరీర్‌లో బిజీ బిజీగా కొనసాగుతున్న ఈ బ్యూటీ బర్త్‌డే నేడు.
మే 13న మోనాల్ గజ్జర్ పుట్టిన రోజు. ఈ సందర్భంగా ఆమెకు ఫ్యాన్స్‌, నటీనటులు నుంచి సోషల్‌ మీడియాలో బర్త్‌డే విషెస్‌ తెలుపుతున్నారు. మోనాల్ పుట్టిన రోజు సందర్భంగా ఆమె వ్యక్తిగత, సినీ జీవితంపై ఓ లుక్కేయండి.
మోనాల్ గజ్జర్ స్వస్థలం గుజరాత్‌ అహ్మదాబాద్‌. 1991 మే 13న ఆమె గుజరాతీ నేపథ్య కుటుంబంలో జన్మించారు. స్కూలింగ్‌ మొత్తం అహ్మదాబాద్‌లోనే చేసిన మోనాల్ కామర్స్‌లో డిగ్రీ పూర్తి చేసింది. డిగ్రీ చదువుతూనే స్థానిక ING వైశ్యా బ్యాంక్‌లో అవుట్‌ సోర్స్‌లో ఉద్యోగం చేసింది.
అప్పుడు యోగాలో శిక్షణ తీసుకుంటున్న మోనాల్ తన యోగా టీజర్‌ సూచన మేరకు 2011లో రేడియో మిర్చి నిర్వహించిన 'మిర్చి క్వీన్ బీ' అందాల పోటీలో పాల్గొని కిరీటం కూడా దక్కించుకుంది.
ఆ తర్వాత మిస్‌ గుజరాత్‌ అందాల్‌ పోటీలోనూ పాల్గొని టైటిల్‌ కైవసం గెలుచుకుంది. అలా మోడల్‌గా కెరీర్‌ ప్రారంభించిన ఆమె సుడిగాడు (2012) సినిమాతో హీరోయిన్‌గా టాలీవుడ్‌ ఎంట్రీ ఇచ్చింది. image 4
అదే సమయంలో మోనాల్ తమిళం, మలయాళం గుజరాతీలోనూ పలు చిత్రాలకు సంతకం చేసింది. డ్రాక్యులా (2012) అనే చిత్రంతో మలయాళం ఇండస్ట్రీకి పురిచయం అయ్యింది.తమిళంలో ఒకేసారి రెండు సినిమాలు చేసింది.
కోలీవుడ్‌లో ఆమె నటించిన 'వనవరయన్ వల్లవరాయన్', 'సిగరం తోడు' సినిమాలు ఒకేరోజు విడుదల కావడం విశేషం. ఈ రెండు సినిమాల్లో తన నటనకు విమర్శకుల ప్రశంసలు అందుకుంది. అలాగే లుక్‌ పరంగానూ ప్రశంసలు అందుకుంది.
కానీ, ఆమెకు పెద్దగా అవకాశాలు రాలేదు. దీంతో కాస్తా బ్రేక్‌ తీసుకున్న మోనాల్ 2020లో బిగ్బాస్ రియాలిటీ షోతో తెలుగులో మెరిసింది. దీని తర్వాత స్టార్‌ మాలోని డ్యాన్స్‌ ప్లస, డ్యాన్స్‌ ఐకాన్‌ షోలకు జడ్జీగా వ్యవహరించింది. ప్రస్తుతం మోనాల్ గుజరాత్‌లో సినిమాలు చేస్తూ నటిగా రాణిస్తుంది.