Chiranjeevi - Srikanth: ఏటీఎం బర్త్ డే సెలబ్రేట్ చేసిన శంకర్ దాదా

మెగాస్టార్ చిరంజీవికి హీరోల్లోనూ అభిమానులు ఉన్నారు. అందులో అందరి కంటే ముందు వరుసలో వచ్చే పేరు శతాధిక చిత్ర కథానాయకుడు శ్రీకాంత్ (Srikanth Meka). ఇండస్ట్రీలోకి వచ్చినప్పుడు, ఇప్పుడు, ఎప్పుడు... చిరుపై తన అభిమానాన్ని చూపించడంలో శ్రీకాంత్ అసలు సంకోచించింది లేదు. ఆయన అంటే చిరుకు సైతం అంతే ఇష్టం. అందుకే, తమ్ముడి పుట్టినరోజు నాడు ఇంటికి వెళ్లి మరీ సర్‌పైజ్ చేశారు. 

మార్చి 23న శ్రీకాంత్ పుట్టినరోజు. ఈ సందర్భంగా ఆయన ఇంటికి వెళ్లారు మెగాస్టార్ చిరంజీవి. 'హ్యాపీ బర్త్ డే శ్రీకాంత్! లవ్ ఫ్రమ్ అన్నయ్య' అంటూ స్పెషల్ కేక్ తీసుకు వెళ్లి కట్ చేయించారు. 

శ్రీకాంత్ కు కేక్ తినిపిస్తున్న చిరంజీవి! 'శంకర్ దాదా ఎంబిబిఎస్', 'శంకర్ దాదా జిందాబాద్' సినిమాల్లో చిరంజీవి, శ్రీకాంత్ మధ్య బ్రోమాన్స్... వాళ్లిద్దరి నటనతో డైలాగులు ప్రేక్షకుల్ని అలరించారు. ఏటీఎం పాత్రలో శ్రీకాంత్ ఇరగదీశారు. మరోసారి దాదా - ఏటీఎం ఒకే ఫ్రేములో కనిపించడం అభిమానులకు సంతోషాన్ని ఇచ్చింది.

శ్రీకాంత్, ఆయన తనయుడు రోషన్... ఇద్దరితో మెగాస్టార్ చిరంజీవి. 'పెళ్లి సందడి' సినిమాతో హీరోగా పరిచయమైన రోషన్... ఇప్పుడు పాన్ ఇండియా మూవీ 'వృషభ'లో హీరోగా నటిస్తున్నారు. అందులో ఆయనకు జోడీగా షనాయా కపూర్ నటిస్తున్నారు. మలయాళ స్టార్ మోహన్ లాల్ కీలక పాత్ర చేస్తున్నారు. 

శ్రీకాంత్ కు గిఫ్ట్ ఇచ్చిన చిరంజీవి

చిరంజీవి, శ్రీకాంత్