Srikanth Birthday: హీరో శ్రీకాంత్‌ బర్త్‌డే సెలబ్రేట్‌ చేసిన చిరంజీవి - కేక్‌పై ఏం రాయించారో చూడండి!

Chiranjeevi- Srikanth: ఇండస్ట్రీలో చిరంజీవి, శ్రీకాంత్‌ అనుబంధం గురించి ప్రత్యేకం చెప్పనవసరం లేదు. వీరిద్దరు అన్నాతమ్ముళ్లుగా ఎప్పుడు ఒకరిపై ఒకరు అప్యాయతను పంచుకుంటారు.

Image Credit: BA Raju/Twitter

Chiranjeevi Celebrares Srikanth Birthday: మెగాస్టార్‌ చిరంజీవి, నటుడు శ్రీకాంత్‌ మంచి సన్నిహితంగా ఉంటారనే విషయం తెలిసిందే.

Continues below advertisement

మెగాస్టార్‌గా ఎంతోమంది అభిమానులను సంపాదించుకున్న చిరుకు ఇండస్ట్రీలోనూ మంచి ఫ్యాన్‌ ఫాలోయింగ్‌ ఉంది. ఎంతోమంది హీరోలు కూడా ఆయన అభిమానులే. ఈ విషయాన్ని వారే స్వయంగ చెబుతుంటారు. అందులో సీనియర్‌ హీరో, నటుడు శ్రీకాంత్‌ కూడ ఒకరు.

చిరంజీవిని అన్నయ్య అంటూ ఎంతో అభిమానం చూపించే శ్రీకాంత్‌ అంటే చిరుకి కూడా ఎంతో అభిమానం. ఇండస్ట్రీలో తనకు అత్యంత సన్నిహితుల్లో శ్రీకాంత్‌ కూడా ఒకడని, తనకు తమ్ముడితో సమానం అంటూ అప్యాయం చూపిస్తుంటారు.

ఇక ఇద్దరు అన్నతమ్ముళ్లలా ఒకరిపై ఒకరు ఎప్పుడు అప్యాయత చూపించుకుంటారు. ఇప్పుడు చిరు మరోసారి శ్రీకాంత్‌పై ఉన్న తన అభిమానాన్ని చాటుకున్నారు. నేడు శ్రీకాంత్‌ బర్త్‌డే సందర్భంగా చిరంజీవి స్వయంగా ఆయన ఇంటికి వెళ్లారు.

ఇంటికి వెళ్లడమే కాదు తన వెంట స్పెషల్‌గా కేక్‌ కూడా తీసుకువెళ్లి శ్రీకాంత్‌ చేత కేక్ కట్‌ చేయించారు. అంతేకాదు కేక్‌ మీద "హ్యాపీ బర్త్‌డే శ్రీకాంత్‌.. లవ్‌ ఫ్రమ్‌ అన్నయ్య" అని స్పెషల్‌గా రాయించారు. ఈ సందర్భంగా శ్రీకాంత్‌ బర్త్‌డే సెలబ్రేట్‌ చేసి కాసేపు వారి కుటుంబసభ్యులతో సరదాగా గడిపారు.

ఇందుకు సంబంధించిన ఫోటోలు ప్రస్తుతం సోషల్‌ మీడియాలో వైరల్‌గా అవుతున్నాయి. ఇక వీరిద్దరి సన్నిహితం, అనుబంధం చూసి ఫ్యాన్స్‌ అంతా మురిసిపోతున్నారు. కాగా వీరిద్దరూ కలిసి శంకర్ దాదా MBBS, శంకర్ దాదా జిందాబాద్ సినిమాల్లో కలిసి నటించారు. ఈ సినిమాలో శ్రీకాంత్ వేసిన ATM పాత్ర బాగా హిట్ అయింది.