Kiran Abbavaram: కిరణ్ అబ్బవరానికి అల్లు అరవింద్ ప్రశంస - మెగా నిర్మాత కంట్లో పడిన 'క'

కిరణ్ అబ్బవరం కథానాయకుడిగా నటించిన తాజా సినిమా 'క'. దీపావళి సందర్భంగా అక్టోబర్ 31న థియేటర్లలోకి వచ్చింది. ఏపీ తెలంగాణ రెండు తెలుగు రాష్ట్రాలలో విడుదల అయింది. ఈ చిత్రానికి పెయిడ్ ప్రీమియర్స్ నుంచి మంచి పాజిటివ్ రెస్పాన్స్ లభించింది. 

'క' విజయం పట్ల ప్రముఖ నిర్మాత అల్లు అరవింద్ సంతోషం వ్యక్తం చేశారు. హీరో కిరణ్ అబ్బవరంతో పాటు చిత్ర బృందాన్ని తన ఆఫీసుకు పిలిపించుకున్నారు. అందరినీ అభినందించారు.

తెలుగు చిత్రసీమలో ఎప్పటి వరకు రానటువంటి కాన్సెప్ట్ తీసుకొని కిరణ్ అబ్బవరం 'క' సినిమా చేశారని విమర్శకులతో పాటు ప్రేక్షకుల సైతం ప్రశంసలు కురిపిస్తున్నారు. మొదటి రోజు ఈ సినిమా బాక్స్ ఆఫీస్ బరిలో 6 కోట్లకు పైగా కలెక్ట్ చేసింది.

తమిళ మలయాళ భాషలలో నవంబర్ 7న 'క' చిత్రాన్ని విడుదల చేయడానికి సన్నాహాలు చేస్తున్నారు. మరిన్ని తాజా వార్తలు కోసం ఏబీపీ దేశం ఫాలో అవ్వండి.