Urvashi Rautela Birthday: బర్త్ డేకి బంగారు కేక్ కట్ చేయడం ఏంటి ఊర్వశి - నీ దగ్గరున్నవి డబ్బులా? మంచి నీళ్లా?

బాలీవుడ్ భామ ఊర్వశి రౌటేలా తెలుగు ప్రేక్షకులకు కూడా తెలుసు. మెగాస్టార్ చిరంజీవి 'వాల్తేరు వీరయ్య' సినిమాలో 'వేర్ ఈజ్ ద పార్టీ' పాటలో స్టెప్పులు  వేసిన అందాల భామ ఆవిడే. పవన్ కళ్యాణ్ & సాయి ధరమ్ తేజ్ 'బ్రో', అఖిల్ అక్కినేని 'ఏజెంట్', రామ్ పోతినేని 'స్కంద' సినిమాల్లోనూ స్పెషల్ సాంగ్స్ చేశారు. ఇవాళ (ఫిబ్రవరి 25న) ఆమె పుట్టిన రోజు. ఈ సందర్భంగా గోల్డెన్ కేక్ కట్ చేశారు. (Image Courtesy: urvashirautela / Instagram)

ప్రతి ఏడాది పుట్టిన రోజును ఘనంగా సెలబ్రేట్ చేసుకోవడం ఊర్వశి రౌటేలాకు అలవాటు. ఈ ఏడాది కూడా అదే విధంగా చేశారు. అయితే... 24 క్యారెట్ బంగారు పూత పూసిన కేక్ కట్ చేయడం సోషల్ మీడియాలో డిస్కషన్ పాయింట్ అయ్యింది. 'డబ్బులా? మంచి నీళ్లా? గోల్డెన్ కేక్ కట్ చేయడం ఏమిటి?' అని కొందరు కామెంట్స్ చేస్తున్నారు. ఊర్వశి రౌటేలా డబ్బులను మంచి నీళ్లలా ఖర్చు చేస్తున్నారని కొందరు అభిప్రాయపడుతున్నారు. (Image Courtesy: urvashirautela / Instagram) 

బాలీవుడ్ ఫేమస్ సింగర్, ర్యాపర్ హానీ సింగ్ తో ఊర్వశి రౌటేలా తన బర్త్ డే సెలబ్రేట్ చేసుకున్నారు. ఆయనతో కలిసి దిగిన ఫోటోలను ఆమె షేర్ చేశారు. హానీ సింగ్ మ్యూజిక్ వీడియోలు కొన్నిటిలో ఊర్వశి రౌటేలా సందడి చేశారు. (Image Courtesy: urvashirautela / Instagram)

గాడ్ ఆఫ్ మాసెస్, నట సింహం నందమూరి బాలకృష్ణ హీరోగా బాబీ (కెఎస్ రవీంద్ర) దర్శకత్వం వహిస్తున్న సినిమాలో ఊర్వశి రౌటేలా నటించనున్నట్లు సమాచారం. అయితే... చిత్ర బృందం ఇంకా అధికారికంగా ప్రకటించలేదు. (Image Courtesy: urvashirautela / Instagram)

ఊర్వశి రౌటేలా బర్త్ డే సెలబ్రేషన్స్ (Image Courtesy: urvashirautela / Instagram)

ఊర్వశి రౌటేలా (Image Courtesy: urvashirautela / Instagram)