In Pics: ప్రత్యేక విమానంలో అనంతపురానికి పవన్ కల్యాణ్ - బాధితులకు ఆర్థిక సాయం

కౌలు రైతు భరోసా యాత్ర కోసం జనసేన పార్టీ అధ్యక్షులు పవన్ కళ్యాణ్ పుట్టపర్తి విమానాశ్రయం చేరుకున్నారు.

విమానాశ్రయంలో ఆయనకు పార్టీ శ్రేణులు ఘన స్వాగతం పలికాయి.

పార్టీ ప్రధాన కార్యదర్శి చిలకం మధుసూదన్ రెడ్డి, అనంతపురం జిల్లా అధ్యక్షులు టి.సి. వరుణ్, చిత్తూరు జిల్లా అధ్యక్షులు పసుపులేటి హరిప్రసాద్, చేనేత వికాశ విభాగం ఛైర్మన్ చిల్లపల్లి శ్రీనివాస్ పార్టీ కార్యక్రమాల నిర్వహణ విభాగం కన్వీనర్ కళ్యాణం శివశ్రీనివాస్ తదితరులు ఆయనకు స్వాగతం పలికిన వారిలో ఉన్నారు.

విమానాశ్రయం నుంచి కొత్తచెరువులో ఆత్మహత్యకు పాల్పడ్డ కౌలు రైతు కుటుంబాన్ని పరామర్శించడానికి బయల్దేరారు.

కొత్తచెరువులో ఆత్మహత్య చేసుకున్న కౌలు రైతు సాకే రామకృష్ణ కుటుంబసభ్యులను ఆయన పరామర్శించారు.

వారికి లక్ష రూపాయల ఆర్థిక సాయాన్ని అందజేశారు.

20 రోజుల కిందట ఈ యువ కౌలు రైతు ఆత్మహత్య చేసుకున్నారు.

మూడు గంటలకు అనంతపురం రూరల్ మండలంలోని మన్నీల గ్రామానికి చేరుకుంటారు.

ఆ గ్రామంలో ఆత్మహత్యకు పాల్పడ్డ వారి కుటుంబాలకు ఆర్థిక సాయం చేస్తారు.

అనంతరం ఆ గ్రామంలోనే రచ్చబండ కార్యక్రమంలో పాల్గొంటారు.

ఈ సభలోనే జిల్లాలో ఆత్మహత్యకు పాల్పడ్డ మరికొంత మంది రైతుల కుటుంబాలకు ఆర్థిక సాయం చేస్తారు.