Megha Akash: మేఘా ఆకాష్ రొమాంటిక్ ఎంట‌ర్‌టైన‌ర్ అప్‌డేట్ ఏంటంటే?

రాహుల్ విజయ్, మేఘా ఆకాష్ జంటగా ఓ సినిమా రూపొందుతోంది. మేఘా ఆకాష్ తల్లి బిందు ఆకాష్ సమర్పణలో ఎ. సుశాంత్ రెడ్డి, అభిషేక్ కోట నిర్మిస్తున్న చిత్రమిది. రొమాంటిక్ ఎంట‌ర్‌టైన‌ర్‌గా రూపొందుతోంది. రీసెంట్‌గా సినిమా ఫస్ట్ షెడ్యూల్ కంప్లీట్ అయ్యింది.

ఫస్ట్ షెడ్యూల్‌లో హైదరాబాద్ పరిసర ప్రాంతాల్లో హీరో హీరోయిన్లపై కీలక సన్నివేశాలు చిత్రీకరించారు. గోవాలో రెండో షెడ్యూల్ స్టార్ట్ చేస్తామని దర్శకుడు అభిమన్యు బద్ది తెలిపారు. గోవా నేపథ్యంలో రూపొందుతోన్న రొమాంటిక్ ఎంట‌ర్‌టైన‌ర్‌ అని ఆయన చెప్పారు.

ఈ సినిమాలో రాజేంద్ర ప్రసాద్, 'వెన్నెల' కిషోర్,అభయ్ బేతిగంటి, 'వైవా' హర్ష, 'బిగ్ బాస్' సిరి తదితరులు నటిస్తున్నారు. ఈ చిత్రానికి హరి గౌర సంగీత దర్శకుడు. 

సెట్స్‌లో మేఘా ఆకాష్