Chandra Babu: గుంటూరు జిల్లా పెనుమాకలో చంద్రబాబు టూర్‌- సీఎం చేతుల మీదుగా పింఛన్ అందుకున్న కుటుంబం ఎవరంటే?!

గుంటూర జిల్లా పెనుమాకలో పర్యటించిన చంద్రబాబు సామాజిక పింఛన్ల పథకాన్ని ప్రారంభించారు. స్వయంగా తన చేతుల మీదుగా చంద్రబాబు పెన్షన్ల పంపిణీ చేశారు.

ఎస్టీ కాలనీలో లబ్ధిదారులకు నేరుగా పెన్షన్ల పంపిణీ చేశారు. పాముల నాయక్ కుటుంబానికి పెన్షన్ అందజేశారు.

పాముల నాయక్‌కు వృద్ధాప్య పెన్షన్ అందజేత. నాయక్ కుమార్తెకు వితంతు పెన్షన్ అందజేసిన చంద్రబాబు. భార్యకు CRDA పెన్షన్ ఇచ్చారు.

తమకు ఇల్లు కావాలని సీఎంను కోరిన నాయక్ కుటుంబం. ఇల్లు వెంటనే మంజూరు చేస్తున్నట్లు తెలిపిన సీఎం.

నాయక్‌ ఇంట్లో టీ తాగిన చంద్రబాబు అరగంట పాటు లబ్ధిదారులతో మాట్లాడారు. వారి సమస్యలు అడిగి తెలుసుకున్నారు.

పిల్లల్ని బాగా చదివించాలని చంద్రబాబు సూచించారు. పిల్లలు చదివి ప్రయోజకలు అయితే కుటుంబ స్థితిగతులు మారతాయన్నారు.

అనంతరం పెనుమాకలోని ఊరిలో ప్రజలతో మాట్లాడారు. వారి సమస్యలు అడిగి తెలుసుకున్నారు. వారి ఇచ్చిన అర్జీలను తీసుకున్నారు.

పింఛన్‌ డబ్బులతో కొందరి వృద్ధులకు ఎన్నడూ లేని గౌరవం వచ్చిందని. వారిని కుటుంబ సభ్యులు జాగ్రత్తగా చూసుకుంటున్నారని అభిప్రాయపడ్డారు.