Trending
Warehouse Collapsed In Delhi: నిర్మాణంలో ఉన్న గోడ కూలి ఐదుగురు మృతి
Warehouse Collapsed In Delhi: దిల్లీలో నిర్మాణంలో ఉన్న గోడ కూలి ఐదుగురు మృతి చెందారు.
Warehouse Collapsed In Delhi: దిల్లీ ఘోర ప్రమాదం జరిగింది. నిర్మాణంలో ఉన్న గోదాము గోడ కూలి ఐదుగురు కూలీలు ప్రాణాలు కోల్పోయారు. మరో 9 మంది గాయపడ్డారు. అలీపుర్ ప్రాంతంలో శుక్రవారం ఈ ఘటన జరిగింది.
సహాయక చర్యలు
ఈ ప్రమాదంలో శిథిలాల కింద మరికొంత మంది చిక్కుకున్నారు. వారిని రక్షించేందుకు పోలీసులు, అగ్నిమాపక సిబ్బంది తీవ్రంగా ప్రయత్నిస్తున్నారు. ప్రమాద సమయంలో ఆ ప్రాంతంలో 20-25 మంది కూలీలు పనిచేస్తున్నట్లు సమాచారం. అయితే ఇది అక్రమ నిర్మాణమని స్థానికులు ఆరోపించారు. ఇప్పటికే అధికారులకు ఫిర్యాదు చేసినా పట్టించుకోలేదని విమర్శించారు. అందుకే ఇలా ప్రమాదం జరిగిందని స్థానికులు తెలిపారు.
దిల్లీ ప్రభుత్వం
ఈ ప్రమాదంపై దిల్లీ ముఖ్యమంత్రి అరవింద్ కేజ్రీవాల్ స్పందించారు. బాధితులకు మెరుగైన చికిత్స అందించాలని ఆదేశించినట్లు పేర్కొన్నారు.
క్షతగాత్రులకు మెరుగైన చికిత్స అందిస్తున్నట్లు దిల్లీ ఉప ముఖ్యమంత్రి మనీశ్ సిసోడియా తెలిపారు. మృతులకు ప్రగాఢ సానుభూతి వ్యక్తం చేశారు.
Also Read: Mohammed Zubair Gets Bail: జర్నలిస్ట్ మహ్మద్ జుబైర్కు రిలీఫ్- బెయిల్ మంజూరు