Vice Presidential Polls 2022: ఉపరాష్ట్రపతి ఎన్నికల్లో ఎన్డీఏ అభ్యర్థిగా జగదీప్ ధన్ఖడ్ నామినేషన్ దాఖలు చేశారు. రిటర్నింగ్‌ అధికారిగా వ్యవహరిస్తున్న లోక్ సభ సెక్రెటరీ జనరల్ ఉత్పల్ కుమార్ సింగ్కు ఆయన నామపత్రాలు సమర్పించారు. ఈ కార్యక్రమంలో ప్రధానమంత్రి నరేంద్ర మోదీ, కేంద్రమంత్రులు అమిత్ షా, రాజ్నాథ్సింగ్, నితిన్ గడ్కరీ, రామ్దాస్ అథవాలే పాల్గొన్నారు.
రైతు బిడ్డ
నా లాంటి సాధారణ వ్యక్తికి ఇంత గొప్ప అవకాశం వస్తుందని కలలో కూడా అనుకోలేదు. ఓ రైతు బిడ్డ ఈ రోజు ఉపరాష్ట్రపతి అభ్యర్థిగా నామినేషన్ దాఖలు చేశాడు. ఈ అవకాశం ఇచ్చిన ప్రధాని మోదీ సహా నాయకత్వానికి కృతజ్ఞతలు చెబుతున్నాను. - జగదీప్ ధన్ఖడ్, ఎన్డీఏ ఉపరాష్ట్రపతి అభ్యర్థి
ప్రొఫైల్
- జగదీప్ ధన్ఖడ్ రాజస్థాన్‌లోని ఒక రైతు కుటుంబంలో 1951లో జన్మించారు.
- చిత్తోడ్‌గఢ్‌ సైనిక స్కూల్‌లో ప్రాథమిక విద్యాభ్యాసం పూర్తి చేసిన ఆయన భౌతికశాస్త్రంలో డిగ్రీ పూర్తి చేశారు.
- రాజస్థాన్‌ విశ్వవిద్యాలయం నుంచి న్యాయవిద్యను అభ్యసించారు.
- రాజకీయాల్లోకి రాకముందు వ్యవసాయం చేశారు. కిసాన్‌పుత్ర అనే గుర్తింపు సాధించారు.
- ప్రముఖ న్యాయవాదిగా గుర్తింపు పొందారు ధన్ఖడ్.
- రాజస్థాన్‌ హైకోర్టు, సుప్రీం కోర్టులోనూ ప్రాక్టీస్‌ చేశారు.
- రాజస్థాన్‌ హైకోర్టు బార్‌ అసోసియేషన్‌ అధ్యక్షుడిగా పని చేశారు.
ముఖ్యమైన తేదీలు
- ఎన్నికల నోటిఫికేషన్: జులై 7
- నామినేషన్లకు చివరి రోజు: జులై 19
- నామినేషన్ల పరిశీలన: జులై 20
- నామినేషన్ల ఉపసంహరణకు చివరి రోజు: జులై 22
- పోలింగ్, ఫలితాలు: ఆగస్ట్ 6
ఆగస్టు 10తో ప్రస్తుత ఉపరాష్ట్రపతి వెంకయ్య నాయుడి పదవీకాలం పూర్తి కానుంది.
Also Read: Punjab New Traffic Rules: మందు బాబులకు అలర్ట్- ఇక డ్రంక్ అండ్ డ్రైవ్‌లో దొరికితే రక్తం పిండేస్తారు!
Also Read: Defamation Complaint Filed Against RGV: కొంపముంచిన ఆ ట్వీట్- RGVపై పరువు నష్టం దావా!