Sharad Pawar: నేషనలిస్ట్ కాంగ్రెస్ పార్టీ (ఎన్‌సీపీ) అధినేత శరద్ పవార్‌కు ఆదాయ పన్నుశాఖ (ఐటీ) నోటీసులు ఇచ్చింది. మహారాష్ట్ర సీఎంగా ఉద్ధవ్ ఠాక్రే రాజీనామా చేసిన తరువాతి రోజే పవార్‌కు ఈ నోటీసులు వచ్చాయి. అయితే ఈ నోటీసులపై పవార్ ఆసక్తికర వ్యాఖ్యలు చేశారు.
2004, 2009, 2014, 2020 ఎన్నికల్లో పవార్ సమర్పించిన ఎన్నికల అఫిడవిట్లో ఉన్న సమాచారాన్ని తాజాగా పరిశీలిస్తున్నట్లు ఐటీ శాఖ పేర్కొంది. ఈ మేరకు శరద్ పవార్ కూడా ట్వీట్ చేశారు.
ఈడీ, ఐటీ లాంటి కేంద్ర ఏజెన్సీ సంస్థలు రోజురోజుకు బాగా పనిచేస్తున్నాయి. విచారణకు హాజరు కావాలంటూ కేంద్ర ఏజెన్సీలు కొంతమందికి మాత్రమే నోటీసులు పంపిస్తుంటాయి. ఈ కొత్త పద్దతి ఇటీవలే మొదలైంది. ఐదు సంవత్సరాల క్రితం ఈడీ పేరు మాకు కూడా తెలియదు. కానీ ఈ రోజు గ్రామాల్లో సైతం నీ వెనకాల ఈడీ ఉందంటూ జోకులు వేసుకుంటున్నారు. నాకు కూడా ఓ లవ్ లెటర్ అందింది. 2004, 2009, 2014, 2020 ఎన్నికల్లో నేను ఇచ్చిన ప్రమాణపత్రాలకు సంబంధించి నాకు ఆదాయ పన్ను శాఖ ప్రేమ లేఖ రాసింది. - శరద్ పవార్, ఎన్‌సీపీ అధినేత
2004, 2009లలో పవార్ లోక్‌సభకు పోటీ చేశారు. ఆ తర్వాత 2014, 2020లో రాజ్యసభకు పోటీ చేశారు. ఈ ఎన్నికల అఫిడవిట్‌లకు సంబంధించి ఐటీ నోటీసులు ఇచ్చింది.
Also Read: Corona Cases: దేశంలో కొత్తగా 17వేల కరోనా కేసులు- 23 మంది మృతి
Also Read: Nupur Sharma Case: నుపుర్ శర్మపై సుప్రీం కోర్టు ఫైర్- 'దేశానికి ఆమె క్షమాపణలు చెప్పాల్సిందే'