Puducherry CM Rangaswamy: పుదుచ్చేరి ముఖ్యమంత్రి ఎన్. రంగస్వామికి సురుచి పీఆర్వో వర్మ ఈరోజు బాహుబలి ఖాజాను బహుమతిగా అందజేశారు. జిల్లాలోని యానాంలో పుదుచ్చేరి పర్యాటక శాఖ ఆధ్వర్యంలో జరుగుతున్న 19వ యానాం ప్రజా ఉత్సవాల ముగింపు వేడుకలకు సీఎం ముఖ్య అతిథిగా హాజరయ్యారు. ఈక్రమంలోనే ముఖ్యమంత్రి రంగస్వామిని కలిసిన సురుచి పీఆర్వో వర్మ ఆయనకు సన్మానం చేశారు. శాలువతో సత్కరించి అనంతరం 'బాహుబలి కాజా'ను అందజేశారు. అంత పొడవైన మిఠాయిని చూసి ఆయన ఆశ్చర్యం వ్యక్తం చేయగా.. వర్మ తాపేశ్వరం కాజా విశిష్టతను వివరించారు. అంతేకాదండోయ్ వర్మ ఆయనకు సురుచి ఆంధ్రా పిండి వంటలను మరియు ఇతర ప్రత్యేక వంటకాలను కూడా బహూకరించారు.
జిల్లాకు ప్రముఖులు ఎవరు వచ్చినా వారికి 'బాహుబలి కాజా' ను బహూకరించి సత్కరించడం సురుచి సాంప్రదాయంగా వస్తోంది. ఈ క్రమంలోనే ఆదివారం రోజు సాయంత్రం యానాంలో మాజీ ఎమ్మెల్యే మల్లాడి కృష్ణారావు గృహంలో ఆయనను కలవడానికి వెళ్లిన వర్మ... వేలాది మంకి కార్యకర్తల, ప్రజలను దాటి, మల్లాడి కృష్ణారావు అనుమతితో ముఖ్యమంత్రి రక్షణ వలయాన్ని దాటి లోపలికి ప్రవేశించారు. అనంతరం ఆయనకు 'బాహుబలి కాజా' ను అందజేశారు.