మధ్యప్రదేశ్ భింద్ జిల్లాలో ఘోర ప్రమాదం జరిగింది. బస్సును లారీ ఢీకొట్టిన ఘటనలో ఓ మహిళ సహా మొత్తం ఏడుగురు మృతి చెందారు. 15 మంది వరకు గాయపడ్డారు. క్షతగాత్రులను సమీపంలోని ఆస్పత్రికి తరలించినట్లు భింద్ ఎస్పీ మనోజ్ సింగ్ తెలిపారు.
ఎలా జరిగింది?
గ్వాలియర్ నుంచి బరేలీకి వెళ్తున్న బస్సు.. భింద్ జిల్లా గోహాడ్లోని 719వ జాతీయ రహదారిపై ప్రమాదానికి గురైంది. స్థానికుల సమాచారంతో ఘటనా స్థలికి చేరుకున్న పోలీసులు సహాయక చర్యలు చేపట్టారు.