Imran Khan Bullet Proof Video:
కోర్టుకు వచ్చిన ఇమ్రాన్..
పాకిస్థాన్ మాజీ ప్రధాని ఇమ్రాన్ ఖాన్ లాహోర్‌లోని యాంటీ టెర్రరిజం కోర్టులో హాజరయ్యారు. ఈ క్రమంలోనే ఆయన వెరైటీ బుల్లెట్ ప్రూఫ్‌తో వచ్చారు. తలకు పెట్టుకున్న బులెట్ ప్రూఫ్ హెల్మెట్‌ను చూస్తే ఎవ్వరైనా ఆశ్చర్యపోవాల్సిందే. సాధారణంగా ఎవరికైనా థ్రెట్ ఉంటే బులెట్ ప్రూఫ్ జాకెట్‌లు వేసుకుంటారు. కానీ...ఇమ్రాన్ ఖాన్‌కు మాత్రం ఓ నలుగురు గార్డ్‌లు షీల్డ్‌లు పట్టుకుని ముందు నడుస్తూ ఉన్నారు. సోషల్ మీడియాలో ఈ వీడియోలు తెగ వైరల్ అవుతున్నాయి. ప్రస్తుతం ఓ కేసులో అరెస్ట్ అయిన ఇమ్రాన్...బెయిల్ పిటిషన్ వేసేందుకు కోర్టుకు వచ్చారు. అప్పుడే ఈ వింత బులెట్ ప్రూఫ్ టెక్నాలజీతో కనిపించారు. దీన్ని చూసిన నెటిజన్లు ఆయనపై సెటైర్లు వేస్తున్నారు. "ఇదెక్కడి టెక్నాలజీరా బాబు" అంటూ కామెంట్‌లు పెడుతున్నారు. ఈ టెక్నాలజీని చూసి అమెరికా అసూయ పడుతుందేమో అని మరి కొందరు కామెంట్ చేస్తున్నారు.