Adhir Ranjan Chowdhury's Remark: పార్లమెంట్ ఉభయసభలు రాష్ట్రపతిపై వివాదస్పద వ్యాఖ్యల వివాదంతో స్తంభించిపోయాయి. కాంగ్రెస్ ఎంపీ అధీర్ రంజన్ చౌధురి రాష్ట్రపతి ద్రౌపది ముర్మును ఉద్దేశించి 'రాష్ట్రపత్ని' అనటం తీవ్ర వివాదస్పదమైంది. ఈ వ్యాఖ్యలపై భాజపా మండిపడింది. కాంగ్రెస్ క్షమాపణలు చెప్పాలంటూ ఉభయసభలు ప్రారంభం కాగానే భాజపా ఎంపీలు ఆందోళనకు దిగారు.
లోక్ సభలో కేంద్రమంత్రి స్మృతి ఇరానీ, రాజ్యసభలో కేంద్రమంత్రి నిర్మలా సీతారామన్ కాంగ్రెస్ క్షమాపణలు చెప్పి తీరాలని డిమాండ్ చేశారు.
అటు రాజ్యసభలోనూ రాష్ట్రపతి అంశంపై ఆందోళన రేగింది. కేంద్రమంత్రి నిర్మలా సీతారామన్ కాంగ్రెస్ తక్షణమే క్షమాపణ చెప్పాలని డిమాండ్ చేశారు. భాజపా ఎంపీ లంతా కాంగ్రెస్ క్షమాపణ చెప్పి తీరాలంటూ డిమాండ్ చేశారు.
సారీ చెప్పను
మరో వైపు అధీర్ రంజన్ చౌధురి పార్లమెంట్ బయట మీడియాతో మాట్లాడారు. కేవలం పొరపాటున మాట్లాడిన మాటపై భాజపా రాద్దాంతం చేస్తోందన్నారు.
సోనియా గాంధీ స్పందన
ఇదే విషయంపై సోనియా గాంధీని మీడియా ప్రశ్నించగా ఇప్పటికే అధీర్ రంజన్ చౌధురి క్షమాపణ చెప్పారని ఆమె తెలిపారు. మరోవైపు
సోనియా గాంధీ కాంగ్రెస్ ముఖ్య నేతలతో సమావేశమమ్యయారు.
అయితే భాజపా ఎంపీలు పార్లమెంట్ కార్యకలాపాలకు అడ్డుతగులుతూ ఆందోళనలకు దిగుతున్నారు. ఇది రాష్ట్రపతికి జరిగిన అవమానంగా భావిస్తున్నామని సోనియా గాంధీ.. ఉభయసభలను ఉద్దేశించి క్షమాపణలు చెప్పేంత వరకూ ఆందోళనలను ఆపమని భాజపా ఎంపీలు చెబుతున్నారు.
Also Read: Rickshaw Puller Murdered: చపాతీ కోసం చంపేస్తారా? దిల్లీలో దారుణ ఘటన!
Also Read: Madhya Pradesh Coivd-19 Vaccine: ఒకే సిరంజితో 30 మంది పిల్లలకు టీకా- షాకైన పేరెంట్స్, వీడియో వైరల్!