భవిష్యత్‌లో బ్రిటన్ ప్రధాని ఇల్లు ఇదే..
ట్విటర్‌లో యాక్టివ్‌గా ఉండే సెలెబ్రిటీలలో ఆనంద్ మహీంద్రా ఒకరు. రోజూ ఏదో ఓ వెరైటీ ట్వీట్ పెడుతూ నవ్విస్తుంటారు. కొన్ని సార్లు ఆలోచింపజేసే ట్వీట్‌లూ చేస్తుంటారు. ఆయన ట్వీట్‌లలోని హ్యూమర్‌కు చాలా మంది నెటిజన్లు ఫిదా అయిపోతారు. అయితే కొన్ని సందర్భాల్లో వర్తమాన అంశాలనూ ప్రస్తావిస్తూ సెటైరికల్‌గా ట్వీట్ చేస్తుంటారు ఆనంద్ మహీంద్రా. యూకేలో ప్రస్తుత రాజకీయ సంక్షోభం గురించి ఇలాగే స్పందించారు. ఆయన చేసిన ట్వీట్ ఇప్పుడు నెట్టింట తెగ వైరల్ అయిపోతోంది. బ్రిటన్ ప్రధానమంత్రిని ఇంటి ఫోటోని షేర్ చేశారు ఆనంద్ మహీంద్రా. ఆ ఇంటి గుమ్మానికి మామిడి తోరణాలు కట్టి ఉన్నాయి. రెండు వైపులా స్వస్తిక్ ముద్రలు పెట్టారు. "ఫ్యూచర్ ప్రధాని ఇల్లు ఇలానే ఉంటుందేమో" అనే అర్థం వచ్చేలా ఆయన ఈ ఫోటోపెట్టి కామెంట్స్ యాడ్ చేశారు. ఇప్పటికే వెయ్యి మంది ఈ ట్వీట్‌ను రీట్వీట్ చేయగా 16 వేల మంది లైక్ చేశారు. భారత సంతతికి చెందిన రిషి సునక్‌ బ్రిటన్ ప్రధాని రేసులో ఉన్నారు. ఈ అంశాన్నే హైలైట్ చేస్తూ ఈ ట్వీట్ చేశారు మహీంద్రా. ఆయన ట్వీట్‌కు కొందరు ఫన్నీ రిప్లైలు ఇచ్చారు. అవి కూడా ట్విటర్‌లో ట్రెండ్ అవుతున్నాయి.