మనం బ్యాంకుల్లో డబ్బులు వేసుకుంటే ఒకటికి పది సార్లు చెక్ చేసుకుంటాం. ఒక రూపాయి ఎక్కువ, తక్కువైనా ఎందుకొచ్చాయి.. ఎందుకు జమ అయ్యాయో స్టేట్‌మెంట్ చూస్తాం. అయితే అందరూ మన లాంటి వాళ్లే ఉండరు. బ్యాంక్ అకౌంట్లో డబ్బులేసి.. మర్చిపోయేవాళ్లు ఉంటారు. ఆ డబ్బులు తీసుకునే తీరిక లేని వాళ్లు కూడా ఉంటారు. అలాంటి వాళ్లు బాగా పెరిగిపోయారు. బ్యాంకుల్లో ఎవరూ క్లెయిమ్ చేయని మొత్తాలు అనూహ్యంగా పెరిగిపోయాయి. ప్రస్తుతం యాక్టివ్‌గా లేని బ్యాంకు ఖాతాల్లో ఏకంగా రూ.26,697 కోట్లు ఉన్నాయట. ఈ విషయం కేంద్రం అధికారికంగా ప్రకటించింది.
Also Read : చరిత్రలో రెండోసారి అత్యధికంగా జీఎస్‌టీ రాబడి.. ఎంత వచ్చాయంటే..!
దేశంలోని అన్ని బ్యాంకుల్లో వినియోగం లేని ఖాతాల్లో రూ.26,697 కోట్లు మగ్గుతున్నాయని కేంద్ర ఆర్థిక శాఖ మంత్రి నిర్మలా సీతారామన్‌ పార్లమెంట్‌కు వెల్లడించారు. 2020 ముగింపు నాటికి దాదాపు 9 కోట్ల బ్యాంక్ ఖాతాల్లో ఈ మొత్తం వినియోగం లేకుండా ఉంది. దాదాపు పదేళ్ల నుంచీ నిర్వహణలో లేవు. షెడ్యూల్డ్‌ కమర్షియల్‌ బ్యాంకుల్లో రూ.24,356 కోట్లు, అర్బన్‌ కో ఆపరేటివ్‌ బ్యాంకుల్లో రూ.2,341 కోట్లు, నాన్‌ బ్యాంకింగ్‌ ఫైనాన్స్‌ కంపెనీల్లో రూ.0.71 కోట్లు చొప్పున ఈ మొత్తం ఉందన్నారు. ఈ ఖాతాలకు సంబంధించి ఖాతాదారులు లేదా వారసులను గుర్తించాలని బ్యాంక్‌లకు సూచనలు చేశామని కేంద్ర ఆర్థిక శాఖ చెప్పింది.
Also Read: Go Fashion shares: రూ.14,490 పెట్టుబడికి రూ.28,161 లాభం ఇచ్చిన ఐపీవో ఇది
ఏదైనా అకౌంట్ పదేళ్ల పాటు లావాదేవీలు లేకపోతే అందులో ఉన్న సొమ్మును "క్లెయిమ్ చేయని డిపాజిట్ల" ఖాతాలోకి చేరుస్తారు. డిపాజిటర్లకు మెరుగైన సేవలను అందించేందుకు ఆర్బీఐ ఓ నిధిని ఏర్పాటు చేసింది. క్లెయిమ్ చేయని డబ్బునంతా ఈ నిధి ఖాతాలోకి బదిలీ చేస్తారు. కస్టమర్లకు సేవలు అందించేందుకు ఈ నిధిని ఉపయోగిస్తారు. అయితే పదేళ్ల తర్వాత ఖాతాదారుడు తిరిగి వస్తే ఇవ్వరా.. అంటే... ఇచ్చి తీరాల్సిందే. తిరస్కరించడానికి బ్యాంకుకు హక్కు లేదు.
Also Read: Satya Nadella: మైక్రోసాఫ్ట్‌లో తన పేరిట ఉన్న సగం షేర్లు అమ్మేసిన సత్య నాదెళ్ల.. ఎందుకంటే..
ఎవరైనా ఒక ఖాతాదారుడు, తన అకౌంట్లో పెద్ద మొత్తంలో డబ్బు ఉండి, పదేళ్లకు పైగా ఆ ఖాతాను మర్చిపోతే మళ్లీ బ్యాంకును సంప్రదించవచ్చు. ఒకవేళ ఆ ఖాతాలోని డబ్బును ప్రత్యేక నిధికి బదిలీ చేసినా, ఖాతాదారుడు బ్యాంకులకు సరైన ఆధారాలు చూపిస్తే తిరిగి అకౌంట్లోకి డిపాజిట్ చేస్తారు. యథావిథిగా ఆ అకౌంట్ న ఖాతాదారు వాడుకోవచ్చు. డబ్బును విత్ డ్రా చేసుకోవచ్చు. అయితే అలా వచ్చేవారు తక్కువ. ఆనిధి ఖాతాలో సొమ్ములు అలా పెరిగిపోతూనే ఉన్నాయి.
Also Read: Star Health IPO: స్టార్‌ హెల్త్‌ ఐపీవో మొదలు.. దరఖాస్తు చేసే ముందు ఇవి తెలుసుకోండి!