డయాబెటిస్ మూడు రకాలు... టైప్1, టైప్2, జెస్టేషనల్ డయాబెటిస్. ఇందులో జెస్టేషనల్ కేవలం మహిళల్లో గర్భంతో ఉన్నప్పుడు మాత్రమే వస్తుంది. ఇక టైప్ 2 పెద్ధవాళ్లలో ఎప్పుడైనా రావచ్చు. టైప్ 1 డయాబటిస్ అనే చిన్నపిల్లల్లో కలిగేది. ఇది వారసత్వంగా వచ్చే అవకాశం చాలా ఎక్కువ. టైప్ 1 మధుమేహం ఉన్న పిల్లల్లో ప్రాంక్రియాస్ ఇన్సులిన్ ఉత్పత్తి చేయలేదు. దీని వల్ల ఆరోగ్యసమస్యలు తలెత్తుతాయి. అందుకే టైప్1 లక్షణాలు ఉన్నాయని అనిపిస్తే వెంటనే వైద్యుడిని సంప్రదించి మందులు వాడాలి. లేకుంటే కంటిచూపు మందగించడం వంటి సమస్యలు మొదలవుతాయి.
లక్షణాలు...
1. విపరీతమైన ఆకలి
2. అలసట
3. బరువు తగ్గడం
4. తరచూ మూత్రానికి వెళ్లడం
5. రాత్రిళ్లు పక్క తడపడం
6. దాహం పెరగడం
7. వారి నోటి నుంచి తీపి వాసన రావడం
ఏం తినిపించాలి?
టైప్ 2 డయాబెటిస్ లానే టైప్ 1 మధుమేహం ఉన్నవారికి కూడా ఆహారంలో మార్పులు చేయక తప్పదు. తక్కువ గ్లైసెమిక్ ఇండెక్స్, తక్కువ కార్బోహైడ్రేట్ ఆహారాలు తినాలి. లేకుంటే రక్తంలో చక్కెర స్థాయిలు తీవ్రంగా పెరుగుతాయి.
1. అతిగా తినడం లేదా పూర్తిగా తినక పోవడం చేయకూడదు.
2. చక్కెర, బెల్లం, శుద్ధి చేసిన పిండి ఉత్పత్తులు, పండ్ల రసాలు తినిపించకూడదు.
3. కొద్దిగా కార్బోహైడ్రేట్లు, తక్కువ ప్రోటీన్లు, తక్కువ కొవ్వులతో కూడిన సమతుల్యమైన భోజనం పెట్టాలి.
4. కంచంలో యాభై శాతం కూరగాయలతో వండిన వంటకాలు, పాతిక శాతం ప్రోటీన్లు నిండిన ఆహారం, మిగతా పాతిక శాతం కాంప్లెక్స్ కార్బోహైడ్రేట్లు ఉండాలి.
5. మధ్యాహ్నం తినే ఆహారం చాలా ముఖ్యం.ఇందులో ప్రోటీన్ ఎక్కువగా ఉండేలా చూసుకోవాలి. ఎందుకంటే ఆ సమయంలో ఇన్సులిన్ ఇవ్వరు.
6. రోజుకు పది నుంచి 12 గ్లాసుల నీరు తాగించాలి.
7. ప్రోటీన్ల కోసం గుడ్లు, మాంసం, సోయా ఉత్పత్తులు, పాలు, పాల ఉత్పత్తులపై ఆధారపడాలి.
గ్లైసిమిక్ ఇండెక్స్ (జీఐ) తక్కువ ఉండే ఆహారాలు ఇవే...
55 కంటే తక్కువ గ్లైసెమిక్ ఇండెక్స్ కలిగిన ఆహారాలు డయాబెటిస్ రోగులకు మంచివి. తక్కువ ఇండెక్స్ ఉన్న కూరగాయలు ఇవిగో...
1. క్యాబేజ్ (జీఐ 10)
2. కాలి ఫ్లవర్ (జీఐ 10)
3. టమోటా (జీఐ 10)
4. బెండకాయ (జీఐ 20)
5. ఫ్రెంచ్ బీన్స్ (జీఐ 15)
వీటితో వండిన వంటకాలను పిల్లలు అధికంగా తినిపించినా మంచిదే. టైప్ 1 డయాబెటిస్ పిల్లల విషయంలో ఎప్పటికప్పుడు వైద్యుల సలహాలు తీసుకోవాలి.
Read Also: వారానికి రెండు సార్లు... బ్రేక్‌ఫాస్ట్‌లో కట్టెపొంగలి, చలికాలానికి పర్‌ఫెక్ట్ వంటకం
Read Also: ఈ అయిదు ఆహారాలకు దూరంగా ఉంటే మెమొరీ, ఏకాగ్రత పెరుగుతాయి... హార్వర్డ్ నిపుణులు
Read Also: ప్రతి చిన్ననొప్పికి పెయిన్ కిల్లర్ వాడుతున్నారా? గుండె, కాలేయానికి తప్పదు ముప్పు
Read Also: కొత్త వేరియంట్ పై ఆ వ్యాక్సిన్ చాలా తక్కువ ప్రభావాన్ని చూపిస్తుందట, ఆ వ్యాక్సిన్ ఏదంటే...
Read Also: వారానికోసారి బోన్ సూప్, పోషకాహార లోపాన్ని తీర్చేస్తుంది, ఎలా చేయాలంటే...