ఇరుకు రోడ్డులో కారును టర్న్ చేయడం కొంచెం కష్టమే. కానీ, డ్రైవింగ్ స్కిల్స్ ఉంటే.. కాసేపు కష్టపడి టర్న్ చేసేయొచ్చు. కానీ, ఘాట్ రోడ్డులో పైగా.. కేవలం ఒక కారు మాత్రమే పట్టేంత చిన్న ఇరుకు రోడ్డులో కారును టర్న్ చేయడమంటే మాటలు కాదు. ఇందుకు డ్రైవింగ్ స్కిల్స్ మాత్రమే కాదు.. ధైర్యం కూడా కావాలి. ఇదిగో సోషల్ మీడియాలో వైరల్‌గా చక్కర్లు కొడుతున్న ఈ వీడియోలో డ్రైవర్‌కు ఆ రెండూ ఉన్నాయి.
ఎందుకంటే.. ఒక కారు మాత్రమే ప్రయాణించగలిగేంత చిన్న ఘాట్ రోడ్డులో ఆ డ్రైవర్ ఆ కారు మొత్తాన్ని వెనక్కి తీప్పేశాడు. ఆ కారు వెనుక చక్రం పూర్తిగా రోడ్డు దాటి లోయలోకి వెళ్తున్నా.. ఎలాంటి భయం లేకుండా చాకచక్యంగా ఆ కారును రోడ్డుకు అడ్డంగా తిప్పేశాడు. ఆ తర్వాత నెమ్మది నెమ్మదిగా కారును రివర్స్, ఫార్వర్డ్ చేస్తూ.. కారును అదే రోడ్డులో వెనుకకు తిప్పేసి రయ్యంటూ వెళ్లిపోయాడు.
ఈ వీడియో ఇప్పుడు సోషల్ మీడియాలో వైరల్‌గా చక్కర్లు కొడుతోంది. ఈ వీడియో చూసిన నెటిజనులు.. ఆ డ్రైవర్ ధైర్యాన్ని మెచ్చుకుంటున్నారు. అలా రివర్స్ చేసే క్రమంలో కారు మొత్తం లోయలోకి వెళ్లిపోయే ప్రమాదం ఉంది. అది కూడా లెక్క చేయకుండా అతడు ఆ కారును వెనక్కి తిప్పగలిగాడు. చెప్పాలంటే.. ఈ చిన్న వీడియో క్లిప్ మీకు ఒక థ్రిల్లర్ సినిమా చూసినంత కిక్ ఇస్తుంది. నమ్మబుద్ధి కావడం లేదా? అయితే.. మీరే చూడండి మరి.