Quick and Easy Burfi Recipe : స్వీట్స్ని చాలామంది ఇష్టంగా తింటారు. ముఖ్యంగా భోజనాల్లో స్వీట్స్ వేసే కల్చర్ ఎప్పటినుంచో ఆనవాయితీగా వస్తుంది. అలా మీ ఇంటికి ఎవరైనా వచ్చినప్పుడు వారికి మీరు టేస్టీగా స్వీట్ చేయాలనుకుంటే ఈ టేస్టీ బర్ఫీని తయారు చేయవచ్చు. దీనిని 7 కప్ బర్ఫీ అంటారు. అంటే.. దీనిలో అన్ని పదార్థాలు కలిపి 7 కప్స్ ఉంటాయి అనమాట. మరి ఈ టేస్టీ స్వీట్ని ఎలా తయారు చేయాలో.. కావాల్సిన పదార్థాలు ఏమిటో.. ఎలాంటి మిస్టేక్స్ చేస్తే బర్ఫీ టేస్ట్ మారిపోతుందో వంటి విషయాలు ఇప్పుడు తెలుసుకుందాం.
కావాల్సిన పదార్థాలు
పంచదార - 2 కప్పులు
శనగపిండి - 1 కప్పు
పాలు - 1 కప్పు
డ్రై ఫ్రూట్స్ పౌడర్ - 1 కప్పు
నెయ్యి - 1 కప్పు
కొబ్బరి తురుము - 1 కప్పు
యాలకులు - నాలుగు
తయారీ విధానం
ముందుగా అరకప్పు జీడిపప్పు, అరకప్పు బాదం పప్పును డ్రై రోస్ట్ చేయాలి. అనంతరం వాటిని కాస్త చల్లారనివ్వాలి. అప్పుడే అవి క్రంచీగా మారుతాయి. వాటిని మిక్సీ జార్లో వేసి.. మెత్తగా పౌడర్ చేసుకోవాలి. దీనిని మనం బర్ఫీ చేయడె కోసం ముందుగా సిద్ధం చేసి పెట్టుకోవాలి. ఇప్పుడు స్టౌవ్ వెలిగించి.. దానిపై మందపాటి కడాయి పెట్టాలి. దానిలో శనగపిండి వేసి డ్రై రోస్ట్ చేయాలి. దానినుంచి ఒక మంచి సువాసన వచ్చేవరకు వేయిస్తే.. దానిలోని పచ్చి వాసన పోతుంది.
స్టౌవ్ మంటతో జాగ్రత్త
శనగపిండి మంచి వాసన వస్తున్నప్పుడు దానిలో కొబ్బరి తురుము వేయాలి. బాగా కలుపుతూ.. ఓ నిమిషయం వేయించుకోవాలి. అనంతరం దానిలోనే ముందుగా సిద్ధం చేసి పెట్టుకున్న డ్రై ఫ్రూట్స్ పౌడర్ వేయాలి. అది కూడా శనగ పిండిలో బాగా కలిసేలా తిప్పుతూ ఉండాలి. ఏమాత్రం అజాగ్రత్తగా ఉన్నా అడుగుపట్టేస్తుంది. అంతేకాకుండా ఈ ప్రాసెస్ చేసే సమయంలో మంట తక్కువగానే ఉండేలా చూసుకోవాలి. అనంతరం దానిలో పాలు వేసి బాగా కలపండి.
అడుగుపట్టకుండా కలపాలి..
పిండి పాలను పూర్తిగా అబ్జార్వ్ చేసుకుంటుంది. అలా కలిపిన దానిలో ఓ కప్పు నెయ్యి కూడా పోయాలి. నెయ్యిని కూడా కరిగించుకున్నది వేస్తే మంచిది. ఇలా నెయ్యి వేసిన వెంటనే దానిలో పంచదార వేయాలి. మిశ్రమాలన్నీ పూర్తిగా కలిసే వరకు బాగా కలుపుతూ ఉండాలి. ఇప్పుడు చక్కెర కరిగి.. పిండిలో కలిసిపోయేవరకు అడుగుపట్టకుండా కలుపుతూనే ఉండాలి. మిశ్రమం బాగా దగ్గరకైనప్పుడు కాస్త పిండిని తీసుకుని చేతితో బాల్గా చేస్తే షేప్ వస్తుంటే బర్ఫీ మిశ్రమం రెడీ. లేదంటే దానిని మరింత దగ్గరయ్యేవరకు కలుపుతూ ఉండాలి.
చివరిగా ఇది వేసేస్తే..
బర్ఫీ బాల్గా మారుతూ.. చేతికి అంటుకోకుండా తయారైతే.. మనం స్టౌవ్ ఆపాల్సిన సమయం వచ్చిందని అర్థం. చివర్లో యాలకుల పొడి వేసుకుని బాగా కలిపి.. స్టౌవ్ ఆపేయాలి. ఇప్పుడు ఓ ప్లేట్ లేదా కంచానికి.. నెయ్యి రాసి.. దానిలోకి ఈ మిశ్రమాన్ని ట్రాన్స్ఫర్ చేయాలి. దానిని చల్లారనివ్వాలి. చల్లారిన తర్వాత వాటిని ముక్కలుగా కట్ చేసి.. హాయిగా సర్వ్ చేసుకోవచ్చు. ఇది మంచి రుచినే కాకుండా ఆరోగ్యానికి కూడా కొన్ని ప్రయోజనాలు అందిస్తుంది. మరి ఇంకెందుకు ఆలస్యం మీరు కూడా ఈ టేస్టీ రెసిపీని ట్రై చేసేయండి.
Also Read : ఎగ్లెస్ కప్ కేక్స్.. మైదా లేకుండా ఇలా సింపుల్గా చేసేయండి