కొలెస్ట్రాల్ అనేది ప్రస్తుత రోజుల్లో సాధారణమైన వ్యాధి అయిపోయింది. ఇది గుండె ఆరోగ్యంతో ముడి పడి ఉంటుంది. భారతదేశంలోని దాదాపు 25-30 శాతం పట్టణ ప్రజలు, 15-20 శాతం గ్రామీణ జనాభా అధిక కొలెస్ట్రాల్ సమస్యలతో బాధపడుతున్నారని అంచనా. అయితే అనియంత్రిత కొలెస్ట్రాల్ ఎముకల ఆరోగ్యాన్ని కూడా ప్రభావితం చేస్తుందని చాలా తక్కువ మందికే తెలుసు. దీని గురించి తెలుసుకున్నారంటే మీరు కూడా జాగ్రత్త పడతారు.
కొలెస్ట్రాల్, ఎముకల ఆరోగ్యానికి సంబంధం ఏంటి?
కొలెస్ట్రాల్ అనేది కాలేయం ద్వారా ఉత్పత్తి చేయబడిన కొవ్వు పదార్థం. కొన్ని ఆహారాలు అధికంగా తీసుకున్నప్పుడు ఏర్పడుతుంది. శరీర సాధారణ పనితీరుకి ఇది చాలా అవసరం. హార్మోన్ ఉత్పత్తి, బైల్ యాసిడ్ సింథసిస్ సహా వివిధ ప్రక్రియలలో పాల్గొంటుంది. ఇది ఎముకల్ని ప్రభావితం చేస్తుంది. కొలెస్ట్రాల్ ఎముకల నష్టానికి దోహదపడుతుంది. ఎలివేటెడ్ కొలెస్ట్రాల్ స్థాయిలు ఆస్టియోబ్లాస్ట్‌లపై ప్రభావం చూపుతాయి. ఆస్టియోక్లాస్ట్ ఎముక ఏర్పడటానికి కారణమయ్యే కణాలకు సంబంధించిన కార్యాలపాలు పెంచుతాయి. ఈ అసమతుల్యత కాలక్రమేణా ఎముక ద్రవ్యరాశిని కోల్పోయేలా చేస్తుంది.
బోలు ఎముకల వ్యాధి
అధిక కొలెస్ట్రాల్ స్థాయిలు బోలు ఎముకల వ్యాధి అభివృద్ధికి దారి తీస్తాయి. ఇది పెళుసుగా, బలహీనమైన ఎముకలతో కూడిన రుగ్మత. అధిక కొలెస్ట్రాల్ ఎముక పెరుగుదల విషయంలో సమతుల్యానికి దారి తీస్తుంది. ఫలితంగా పగుళ్లు వచ్చే ప్రమాదం ఉంది. దీని వల్ల ఎముకలు బలహీనపడిపోతాయి. తేలికపాటి గాయాల నుంచి పగుళ్ళకి గురయ్యే అవకాశం ఉంది. తుంటి, వెన్నెముక, మణికట్టులో ఇటువంటి సమస్యలు ఎదురవుతాయి.
వాపు, ఆక్సీకరణ ఒత్తిడి
అధిక కొలెస్ట్రాల్ స్థాయిలు దీర్ఘకాలిక మంట, ఆక్సీకరణ ఒత్తిడితో సంబంధం కలిగి ఉంటుంది. ఈ రెండూ ఎముక ఆరోగ్యాన్ని ప్రతికూలంగా ప్రభావితం చేస్తాయి. ఆక్సీకరణ ఒత్తిడి వల్ల ఎముకలకు నష్టం వాటిల్లుతుంది. కొలెస్ట్రాల్ కంట్రోల్ లో ఉంచుకోవడం దీనికి సరైన మార్గం. స్టాటీన్స్ వంటి కొన్ని మందులు ఎముకల ఆరోగ్యానికి నష్టం వాటిల్లకుండా చేస్తాయి.
జీవనశైలి మార్పులు అవసరం
ఎముకల మీద కొలెస్ట్రాల్ ప్రభావం పడకుండా ఉండాలంటే జీవనశైలిలో మార్పులు చేసుకోవాలి. అందుకోసం ఈ చిట్కాలు పాటిస్తే మంచిది.
ఆరోగ్యకరమైన ఆహారం: పండ్లు, కూరగాయలు, తృణధాన్యాలు వంటి గుండె ఆరోగ్యానికి మేలు చేసే ఆహారాలు తీసుకోవాలి. ఇవి కొలెస్ట్రాల్ స్థాయిలను నిర్వహించడంతో పాటు ఎముకల ఆరోగ్యాన్ని ప్రోత్సహిస్తాయి.
వ్యాయామం: నడక, రన్నింగ్, వెయిట్ లిఫ్టింగ్ వంటి వ్యాయామాలు చేయాలి. ఇవి ఎముకల సాంద్రతని పెంచుతాయి.
కొలెస్ట్రాల్ తగ్గించుకోవాలి: కొలెస్ట్రాల్ స్థాయిలని క్రమం తప్పకుండా పర్యవేక్షించుకోవాలి. ఆరోగ్య సంరక్షణ నిపుణులతో మాట్లాడి ఆరోగ్యకరమైన కొలెస్ట్రాల్ స్థాయిలు నిర్వహించడానికి అవసరమైన చర్యలు తీసుకోవాలి.
విటమిన్ డి: ఎముకలు పటిష్టంగా ఉండేందుకు విటమిన్ డి, కాల్షియం ఎక్కువగా తీసుకోవాలి. పాల ఉత్పత్తులు, ఆకుకూరలు తీసుకుంటే మంచిది. సూర్యరశ్మి నుంచి తగినంత విటమిన్ డి పొందేలా చూసుకోవాలి. లేదంటే నిపుణుల సలహా ప్రకారం సప్లిమెంట్లు తీసుకోవచ్చు. ఇవి రెండూ సరిగా తీసుకుంటే ఎముకల ఆరోగ్యానికి సహాయపడుతుంది.
గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.
Also Read: బరువు తగ్గించే స్మార్ట్ స్నాక్ ఐడియాస్