Fish Recipe: ఫిష్ నిర్వాణ- అరటి ఆకులో టేస్టీ చేపల ఫ్రై, పెనంపై వేయించుకోవచ్చు

కేరళలో చాలా ఫేమస్ వంటకం ఫిష్ నిర్వాణ. దీన్ని ఇంట్లో ఇలా సులువుగా చేసుకోవచ్చు.

కేరళ అంటే గుర్తొచ్చేవి రకరకాల చేపల వంటకాలే. అక్కడి వంటకాలు చాలా డిఫరెంట్‌గా ఉంటాయి. చేపలోనే చాలా పోషకాలు ఉంటాయి. అరటి ఆకులో వండడం వల్ల ఆ ఆకులో ఉన్న పోషకాలు కూడా చేపకు చేరుతాయి. ఆ రెండింటి పోషకాలు కలిపి తినాలంటే ఇలా అరటిఆకులో ఫిష్ నిర్వాణ వండుకోవాలి. కేరళలో దీన్ని ఫిష్ నిర్వాణ అంటారు. మనం తెలుగులో చేపల వేపుడనే చెప్పుకోవాలి.  దీన్ని చేయడం ఎంతో సులువు. 

కావాల్సిన పదార్థాలుచేప ముక్కలు - రెండుఅరిటాకు - చేపలు చుట్టడానికి సరిపడాపచ్చిమిర్చి తరుగు - రెండు స్పూనులుకొబ్బరి తురుము - రెండు స్పూనులుకొత్తిమీర తరుగు - రెండు స్పూనులు కారం - ఒక స్పూనుపసుపు - పావు స్పూనుధనియాల పొడి - అర స్పూనుఅల్లం వెల్లుల్లి పేస్టు - ఒక స్పూనుఉల్లిపాయల తరుగు - రెండు స్పూనులుఉప్పు - రుచికి సరిపడానూనె - ఒక స్పూనుకరివేపాకులు - గుప్పెడునిమ్మరసం - రెండు స్పూనులు

తయారీ ఇలా1. చేప ముక్కలు కాస్త పెద్దవి ఎంచుకోవాలి. శుభ్రంగా కడిగి పక్కన పెట్టుకోవాలి. 2. పచ్చిమిర్చి, ఉల్లిపాయ, అల్లం వెల్లుల్లి పేస్టు, కొబ్బరి తురుము, కొత్తిమీర కలిపి మిక్సీలో మెత్తటి పేస్టులా చేసుకోవాలి. 3. ఒక గిన్నెలో కారం, పసుపు, ఉప్పు, నిమ్మరసం, ధనియాల పొడి, మిక్సీలో చేసుకున్న మెత్తటి పేస్టు వేసి బాగా కలపాలి. ఆ మిశ్రమంలో కరివేపాకులు కూడా వేసుకోవాలి. 4. అందులో నూనె కూడా వేసి బాగా కలపాలి. 5. ఇప్పుడు మొత్తం మిశ్రమాన్ని చేపలకు బాగా పట్టించాలి. ఓ పావుగంట సేపు పక్కన వదిలేయాలి. 6. అరటిఆకును చిన్న మంట పై ఇటూ అటూ వేడిచేయాలి. దీని వల్ల ఆకు మెత్తగా మారి చేపను చుట్టడానికి వీలుగా అవుతుంది. 7.ఇప్పుడు అరటి ఆకులో ఒక చేప ముక్కని పెట్టి మడత బెట్టాలి. ఒకసారి కాకుండా రెండు పొరలుగా అరటి ఆకును చుట్టాలి. 8. అరటిఆకు ఊడిపోకుండా దారంతో కట్టాలి. 9. పెనం వేడెక్కాక నూనె వేసి అరటిఆకులో చుట్టిన చేపను పెట్టాలి. 10. రెండు వైపులా బాగా కాల్చాలి. 11. చిన్న మంట మీద కాలిస్తే చేప బాగా ఉడుకుతుంది. 12. దీని రుచి చాలా భిన్నంగా ఉంటుంది. 13. ఓవెన్ ఉన్న వారు అందులో కూడా చేసుకోవచ్చు. 14. కొంతమంది కుక్కర్లో కూడా వండుతారు. ఎలా వండినా అరటి ఆకులో చేప వేపుడు అదిరిపోతుంది.