Dussehra Special Outfit Ideas : మరికొద్ది రోజుల్లో దసరా వచ్చేస్తుంది. అమ్మవారిని ఎలాగో అందంగా ముస్తాబు చేస్తాము. మరి మనం కూడా అందంగా రెడీ అవ్వాలిగా. అయితే ఇప్పటినుంచే షాపింగ్ చేయడం స్టార్ట్ చేయాలి. కానీ ఎలాంటి డ్రెస్లు వేసుకోవాలి అనేదానిపై మీకు ఇంకా క్లారిటీ రాలేదంటే ఇది మీకోసమే. ఈ పండుగ సమయంలో.. ట్రెండ్కి తగ్గట్లు ట్రెడీషనల్గా కనిపించేందుకు ఎలాంటి డ్రెస్లు ఎంచుకోవాలో ఇప్పుడు తెలుసుకుందాం.
పండుగలకు, అమ్మాయిలకు విడదీయరాని బంధముంటుంది. పూజలు చేయడంలో.. బుట్టబొమ్మల్లాగా అందంగా రెడీ అవ్వడంలో వారికి వారే సాటి. అయితే దసరా సమయంలో ట్రెండీగా.. అలాగే సాంప్రదాయంగా కనిపించేందుకు ఎలాంటి ఆభరణాలు ధరించాలో.. ఎలాంటి డ్రెస్లు వేసుకోవాలో, ఎలాంటి రంగులు ఎంచుకోవాలో అని గాభార పడిపోకండి. ఇక్కడ కొన్ని టిప్స్ ఉన్నాయి. వాటిని ఫాలో అయిపోయి.. పండుగ స్ట్రెస్ను తగ్గించేసుకోండి.
చీరకు డిజైనర్ బ్లౌజ్..
మీరు ట్రెండీగా, సాంప్రదాయంగా కనిపించాలనుకుంటే కచ్చితంగా మీ లిస్ట్లో చీర ఉండాలి. చీర అనేది ఎలాంటి ఫంక్షన్కైనా నిండుదనాన్ని తీసుకువస్తుంది. అయితే మీరు సింపుల్ చీరను ఎంచుకున్నా సరే.. దానికి డిజైనర్ బ్లౌజ్ సెట్ అప్ చేసుకోండి. ఇది మీకు డిఫరెంట్ వైబ్ను ఇస్తుంది. లేదంటే మీరు మీకు నచ్చిన టీషర్ట్ని కూడా బ్లౌజ్లాగా సెట్ చేసుకోవచ్చు. లేదంటే స్లీవ్ లెస్ బ్లౌజ్ ఎంచుకోవచ్చు. దానికి పెద్ద జుంకాలు, చిన్న చైన్, పాపిడి బిళ్ల బాగా సెట్ అవుతాయి.
అనార్కలీ..
మీకు చీరతో ఇబ్బంది ఉంటే.. లేదంటే అటు ఇటూ తిరిగేందుకు సౌకర్యంగా ఉండాలనుకుంటే మీరు అనార్కలీ డ్రెస్లు ఎంచుకోవచ్చు. దానిలో మీరు గోల్డెన్ కలర్ డ్రెస్ ఎంచుకుంటే చాలు. పండుగ లుక్ అంతా మీ దగ్గరే ఉంటుంది. మీ లుక్ని మరింత ఎలివేట్ చేసుకునేందుకు బ్రోకేడ్ లేదా బెనారెస్ దుపట్టాలు జత చేసుకోవచ్చు.
గోల్డెన్ థీమ్తో వెళ్లాలి అనుకుంటే.. నెక్లెస్, పెద్ద జుమ్కాలు, చంకీ బ్రాస్లెట్లు, వాచీ, గోల్డెన్ యాక్సెసరీలతో లేయర్ చేసుకోవచ్చు. గోల్డెన్ స్ట్రాపీ హీల్స్ కూడా మీ లుక్కి మరింత అందాన్ని జోడిస్తాయి.
లెహంగా మంచి ఎంపిక..
లెహంగాలు కేవలం పెళ్లిళ్ల సమయంలో వేసుకుంటారు అనుకునేవాళ్లు చాలామందే ఉన్నారు. కానీ ఫంక్షన్కైనా లెహంగాలు మంచి ఎంపిక. ఒకప్పుడు గాగ్రా చోళీలే ఇప్పటి లెహంగాలు అని చెప్పవచ్చు. ట్రెండ్కు తగ్గట్లు లెహంగాలు డిజైన్ చేసుకుని మీ ఔట్ఫిట్ లుక్ డిసైడ్ చేసుకోవచ్చు.
జరీ థ్రెడ్ వర్క్, బ్రోకెడ్ డిజైన్లు పండుగ సమయానికి చక్కగా నప్పుతాయి. వీటిలో ఎరుపు, నీలం, ఆకుపచ్చ, బ్లాక్, మెరూన్ రంగుల డ్రెస్లు ఎంచుకోవచ్చు. వీటికి మీరు బ్లాక్ గోల్డ్ ఆభరణాలతో సెట్ చేసుకోవచ్చు. లేదంటే డైమండ్స్, పురాతన నగలు కూడా వీటికి బాగా నప్పుతాయి.
ట్రెండీ షరారా..
కొద్దిరోజులుగా షరారా ట్రెండ్ జోరుగా సాగుతోండి. డైలీ రోటీన్ నుంచి.. ప్రత్యేక రోజుల వరకు ఇది ఓ క్లాసిక్ లుక్ను తీసుకువస్తుంది. అంతేకాకుండా రెట్రో వైబ్స్ ఇస్తుంది. డీప్ హ్యూడ్ షరారా సెట్లు ట్రెండ్కి తగ్గట్లు ఉంటాయి. బోట్ నెక్లు, డీప్ కట్ ఆర్మ్ హోల్స్, షార్ట్ కుర్తాలు, భారీ ఫ్లేర్స్ ఫెస్టివ్ లుక్ అందిస్తాయి. వీటిని గోల్డ్ జ్యూవెలరీతో హైలేట్ చేయొచ్చు.
పలాజో సెట్లు..
పండుగ సమయంలో ఎలాంటి హంగులు లేకుండా.. సింపుల్గా, అందంగా కనిపించాలంటే మీరు పలాజో సెట్లు ఎంచుకోవచ్చు. ఆధునిక స్లిమ్ స్ట్రాప్స్, సున్నితమైన నెక్లైన్ కలిగిన డ్రెస్లు మీకు మంచిగా సెట్ అవుతాయి. వీటికి బుట్టలు పెయిర్ చేస్తే బాగుంటుంది. చోకర్తో మీ పండుగ లుక్ని హైలెట్ చేసుకోవచ్చు. మినిమల్ మేకప్ మీ లుక్ని మరింత న్యాచురల్గా మారుస్తుంది.
Also Read : సెక్స్ లైఫ్పై మధుమేహం ప్రభావం.. మగవారికి ఆ సమస్యలు వచ్చే ఆస్కారం