ఆధునిక కాలంలో డిస్పోజబుల్ కప్పుల వినియోగం పెరిగింది. వాటిని ఒకసారి వాడి పడేయవచ్చు. ధర కూడా చాలా తక్కువగా ఉంటుంది. కాబట్టి అన్ని ఆఫీసుల్లో, హోటల్స్ లో వీటి వినియోగం అధికంగా ఉంది. కానీ ఇలాంటి డిస్పోజబుల్ గ్లాసులను వాడటం వల్ల ఆరోగ్యానికి ముప్పు కలగక తప్పదు. దీర్ఘ కాలంగా ఇలాంటి డిస్పోజబుల్ గ్లాసులు వాడే వారిలో క్యాన్సర్ ముప్పు అధికంగా ఉంటుందని చెబుతున్నారు ఆరోగ్య నిపుణులు.
ఒకప్పుడు స్టీలు గ్లాసులు మాత్రమే ఉండేవి. అలాగే మట్టి పాత్రలో కూడా తినేవారు, తాగేవారు. ఇప్పుడు అనేక రకాల మెటీరియల్స్ తో తయారు చేసే గ్లాసులు అందుబాటులోకి వచ్చాయి. వాటిల్లో అన్నిటికంటా తక్కువ ధరకే డిస్పోజబుల్ గ్లాసులు లభిస్తున్నాయి. వీటిని ప్లాస్టిక్, కాగితం వంటి వాటితో తయారు చేస్తారు. వీటి తయారీలో అనేక రసాయనాలను కూడా కలుపుతారు. అందుకే వీటిని దీర్ఘకాలంగా వాడటం వల్ల క్యాన్సర్ ముప్పు పెరుగుతుందని చెబుతున్నాయి అధ్యయనాలు.
పరిశోధనకర్తలు చెబుతున్న ప్రకారం డిస్పోజబుల్ గ్లాసుల్లో బిస్ ఫినాల్, బిపిఏ వంటి రసాయనాలు ఉంటాయి. వీటిల్లో వేడి వేడి టీ లేదా కాఫీలు తాగినప్పుడు ఈ రసాయనాలు వాటిలో కరిగిపోయే అవకాశం ఉంది. ఈ రసాయనాలు టీ, కాఫీల ద్వారా పొట్టలోకి ప్రవేశించి అక్కడ అనేక మార్పులకు కారణం అవుతాయి. దీర్ఘకాలంగా ఇలా తాగే వారిలో క్యాన్సర్ కణితులు కూడా ఏర్పడే అవకాశం ఉంది. కాబట్టి డిస్పోజబుల్ గ్లాసులు, కప్పుల్లో తాగడాన్ని తగ్గించుకోవాలి. ఈ కప్పుల తయారీలో వాడే బిపిఏ అనే రసాయనం చాలా ప్రమాదకరమైనది. దీనివల్లే ఏటా అనేక రకాల క్యాన్సర్ కేసులు నమోదవుతున్నాయి.
డిస్పోజబుల్ కప్పుల్లో రసాయనాలతో పాటు మైక్రో ప్లాస్టిక్‌లు కూడా ఉంటాయి. ఈ మైక్రో ప్లాస్టిక్‌లు శరీరంలో చేరితే క్యాన్సర్ వచ్చే ముప్పు పెరుగుతుంది. శరీరంలో ఎక్కడైనా కూడా ఈ క్యాన్సర్ కణితులు ఏర్పడవచ్చు. కాబట్టి ప్లాస్టిక్ డిస్పోజబుల్ కప్పుల వాడకాన్ని పూర్తిగా నివారించాలి. వీటితో పోలిస్తే కాగితం కప్పులు వాడడం చాలా ఉత్తమం. నిజానికి ఇలాంటి డిస్పోజబుల్ గ్లాసులు పూర్తిగా వాడకూడదనే చెబుతున్నారు వైద్యనిపుణులు. స్టీలు కప్పుల్లో తాగడం లేదా మట్టి కప్పులను వాడడం వల్ల చాలా ఉపయోగం ఉంది. వీటి వల్ల ఎలాంటి అనారోగ్యాలు వచ్చే అవకాశం ఉండదు. కానీ వీటిని హోటల్స్, ఆఫీసుల్లో వాడడం లేదు. డిస్పోజబుల్ గ్లాసులు వాడేందుకు ఎక్కువ ఇష్టత చూపిస్తున్నారు. దీనివల్ల ఆరోగ్య సమస్యలను కొని తెచ్చుకుంటున్నారు.
Also read: ఇలాంటి పనులు చేస్తే మైగ్రేన్ సమస్య ఇంకా పెరిగిపోతుంది, జాగ్రత్త
Also read: ఆగకుండా డాన్స్ చేయడమే ఈ వ్యాధి లక్షణం, వందల మంది దీని బారిన పడ్డారు
గమనిక: పలు అధ్యయనాలు, పరిశోధనల నుంచి సేకరించిన సమాచారాన్ని ఇక్కడ యథావిధిగా అందించాం. ఇది వైద్య నిపుణుల సూచనలకు ప్రత్యామ్నాయం కాదు. తప్పకుండా వైద్యుడు లేదా ఆహార నిపుణుల సలహా తీసుకున్న తర్వాతే ఈ ఆహారాన్ని మీ డైట్‌లో చేర్చుకోవాలి. ఈ సమాచారం కేవలం మీ అవగాహన కోసమే.