Benefits of Eating Dinner Before 8 PM : పగలంతా కష్టపడి.. రాత్రి ఇంటికి వచ్చిన తర్వాత టీవీ చూస్తూ.. నచ్చిన సినిమా చూస్తూ.. డిన్నర్ని లేట్గా తినేవారిలో మీరు కూడా ఒకరా? అయితే జాగ్రత్త రాత్రి భోజనాన్ని వీలైనంత తొందరగా చేసేయాలని సూచిస్తున్నారు నిపుణులు. ఎందుకంటే డిన్నర్ ఎంత లేట్గా చేస్తే.. ఆరోగ్య సమస్యలను అంత కొని తెచ్చుకున్నట్టే అంటూ హెచ్చరిస్తున్నారు. రాత్రులు మీల్స్ తీసుకునేప్పుడు వీలైనంత త్వరగా ముందుగా ముగించేయాలని సూచిస్తున్నారు. ఇంతకీ డిన్నర్ లేట్గా తింటే ఏమవుతుంది? ఏ సమయంలో తింటే అనువైనదో.. దానివల్ల కలిగే లాభాలు ఏంటో ఇప్పుడు చూసేద్దాం.
రాత్రుళ్లు ఆలస్యంగా తినడం వల్ల కలిగే నష్టాలివే
జీర్ణ సమస్యలు : డిన్నర్ ఆలస్యంగా చేయడం వల్ల కలిగే అతి ముఖ్యమైన సమస్య ఇది. కడుపు ఉబ్బరం, యాసిడ్ రిఫ్లెక్స్ సమస్యలు పెరుగుతాయి. ముఖ్యంగా మలబద్ధకం సమస్య పెరుగుతుంది.
బరువు : రాత్రుళ్లు లేట్గా తినడం వల్ల బరువు పెరిగే అవకాశాలు ఎక్కువగా ఉంటాయి. మధుమేహమున్నవారు కచ్చితంగా ఎర్లీగా డిన్నర్ చేయాలి. మెటబాలీజం తగ్గిపోతుంది. దీనివల్ల బరువు తగ్గడం కష్టమవుతుంది.
నిద్ర సమస్యలు : రాత్రుళ్లు పడుకునేముందు కడుపు నిండుగా తింటే నిద్ర వస్తుంది అనుకునేవారు జాగ్రత్త. డిన్నర్ లేట్గా చేయడం వల్ల నిద్ర సమస్యలు ఎక్కువైతాయట. ఇన్సోమియా పెరుగుతుంది. తలనొప్పి, ఫటిగో సమస్యలు వస్తాయి.
డిన్నర్ త్వరగా ఎందుకు చేయాలంటే..
డిన్నర్ని సూర్యస్తమయంలోపు పూర్తి చేస్తే చాలామంచిదని చెప్తున్నారు. కానీ.. అది అందరికీ సాధ్యం కాదు కాబట్టి.. కనీసం 8లోపు అయినా డిన్నర్ని ముగించేయాలని సూచిస్తున్నారు నిపుణులు. నిద్రకు రెండు గంటల ముందు డిన్నర్ చేయడం వల్ల ఆరోగ్యానికి ఎన్నో లాభాలు ఉన్నాయంటున్నారు.
డిన్నర్ త్వరగా ముగించడం వల్ల కలిగే లాభాలివే
జీర్ణ సమస్యలు : జీర్ణ సమస్యలు కంట్రోల్లో ఉంటాయి. తిన్నది అరగకపోవడం, యాసిడ్ రిఫ్లక్స్ వంటివి ఉండవు.
మెటబాలీజం : రాత్రి 8 గంటలలోపు డిన్నర్ చేయడం వల్ల మెటబాలీజం పెరుగుతుంది. జీవక్రియ మెరుగుకావడం వల్ల బరువు తగ్గుతారు. పోషకాలు శరీరానికి అందుతాయి.
మధుమేహం : మధుమేహమున్నవారికి రక్తంలో షుగర్ లెవెల్స్ కంట్రోల్ అవుతాయి. రెసిస్టెన్సీ పెరుగుతుంది.
నిద్ర : మెరుగైన నిద్ర మీ సొంతమవుతుంది. నిద్రలేమి వంటి సమస్యలు దూరమవుతాయి. ఎలాంటి జీర్ణ సమస్యలు నిద్రను డిస్టర్బ్ చేయవు.
బరువు : బరువు తగ్గడానికి ఎర్లీ డిన్నర్ హెల్ప్ చేస్తుంది. అంతేకాకుండా గుండె సమస్యలను దూరం చేస్తుంది.
ఫోకస్ : ఒత్తిడి తగ్గి పనిపై ఫోకస్ పెరుగుతుంది. మెంటల్లీ స్ట్రాంగ్గా ఉండడంలో ఎర్లీ డిన్నర్ హెల్ప్ చేస్తుందని పలు అధ్యయనాలు నిరూపించాయి.
ఈ రూల్ని కేవలం పెద్దలే కాదు.. పిల్లల నుంచి ముసలివారు కూడా ఫాలో అయితే మంచిదని చెప్తున్నారు నిపుణులు. పైగా డిన్నర్ ఎప్పుడూ లైట్గా ఉండాలని.. ఎక్కువగా తినకపోవడమే మంచిదని చెప్తున్నారు. ఫ్రై చేసినా.. డీప్ ఫ్రై ఫుడ్ జోలికి వెళ్లకూడదని చెప్తున్నారు.
Also Read : కడుపు ఉబ్బరం, గ్యాస్ సమస్య ఉంటే.. ఫాలో అవ్వాల్సిన డైట్ ఇదే
గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.