Job Alert: నెలకు 14 రోజులే పని ... రోజుకు రూ. 59 వేల జీతం... ఏం ఉద్యోగమో తెలుసా..!

14 రోజులకు రూ. 9 లక్షలు సంపాదించే ఉద్యోగానికి ఓ ఫ్యామిలీ ప్రకటన ఇచ్చింది. ఇదేదో ఫేక్ నోటిఫికేషన్ అనుకుంటే మీరు తప్పులో కాలేసినట్లే.

రోజుకు రూ. 59 వేలు... 14 రోజులకు అక్షరాలా రూ.9 లక్షలు సంపాదించే ఉద్యోగ ప్రకటన ఇచ్చిందో ఫ్యామిలీ. ఈ జాబ్ నోటిఫికేషన్ చూస్తే ఎగిరి గంతేస్తారు. ఎక్కడ ఎక్కడా అంటూ నోటిఫికేషన్ వెదికేస్తారు. ఈ జాబ్ లో కేవలం 14 రోజుల పనికి రూ. 9 లక్షలు సంపాదించవచ్చు. ఇది చూస్తే ముందు ఇదేదో ఫేక్ నోటిఫికేషన్ అనుకుంటారు కానీ... ఇది అక్షరాల సత్యం. ఈ ఉద్యోగానికి పేపర్ లో యాడ్ కూడా ఇచ్చారు. యునైటెడ్ కింగడమ్ లోని ఎడిన్ బర్గ్ లో ఉద్యోగం చేయాల్సి ఉంది.   

రోజుకు రూ.59 వేలు

ఈ ఉద్యోగం కోసం ఇచ్చిన యాడ్ లో వివరాలు ఇలా ఉన్నాయి. ఈ ఏడాది డిసెంబర్ 22 నుంచి జనవరి 5 వరకూ ఉద్యోగం చేయాల్సి ఉంటుందని అప్లికేషన్లు ఆహ్వానించారు. ఈ జాబ్ నోటిఫికేషన్ ఇచ్చింది యూకే లోని ఓ రిచ్ ఫ్యామిలీ. క్రిస్మస్ హాలీడేస్ టైంలో తమ పిల్లల్ని చూసుకునేందుకు ఆయా కావాలని నోటిఫికేషన్ లో కోరారు. ఈ సెలవుల్లో ఐదేళ్ల ట్విన్స్ ను చూసుకునేందుకు ఆయా కావాలని తెలిపారు. పిల్లల్ని చూసుకునేందుకు రోజుకు రూ.59 వేలు చెల్లిస్తామని ప్రకటనలో ఆ ఫ్యామిలీ పేర్కొంది. దీని ప్రకారం మొత్తం 14 రోజులకు రూ.9 లక్షలు చెల్లిస్తారు. 

కనీసం ఐదేళ్ల అనుభవం

క్రిస్మస్ టైంలో యూకేలో ఆయాలు దొరకడం కష్టం. అందుకుగాను ఇంత వేతనం ఇచ్చేందుకు ఈ ఫ్యామిలీ సిద్ధమైంది. క్రిస్మస్ సమయంలో ఈ 14 రోజులు పిల్లల్ని చూసుకోవాల్సి ఉంటుంది. 14 రోజులు ఆయా ఈ ఫ్యామిలీలో ఉండాలి. తన ఇంటికి వెళ్లకూడదు. ముఖ్యంగా క్రిస్మస్ రోజున తమ ఇంట్లోనే ఉండి, పిల్లల్ని చూసుకోవాలని ప్రకటనతో తెలియజేశారు. ఈ 14 రోజులూ ఆయా పిల్లలకు స్నానం చేయించి, ఆహారం తినిపించాలి. వారితో పాటు ఉంటూ ఆడించి, లాలించి నిద్రపుచ్చాలని ప్రకటనలో పేర్కొన్నారు. ఈ జాబ్ కోసం అప్లై చేసుకునే వారికి చైల్డ్ కేర్ లో కనీసం ఐదేళ్ల అనుభవం ఉండాలని కోరారు. అలాగే కోవిడ్ వ్యాక్సిన్ వేయించుకున్నవారై ఉండాలన్నారు.   

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి