కరోనా కాలంలో హిందీలో భారీ స్టార్‌డ‌మ్‌ ఉన్న హీరోలు నటించిన సినిమాలు కొన్ని డైరెక్టుగా ఓటీటీలో రిలీజ్ అయ్యాయి. సల్మాన్ ఖాన్ నటించిన 'రాధే' కొన్ని ప్రాంతాల్లో థియేటర్లలోనూ... అలాగే, జీ ప్లెక్స్ డిజిటల్ ఫ్లాట్‌ఫార్మ్‌లో 'పే పర్ వ్యూ' విధానంలోనూ విడుదల అయ్యింది. కంగనా రనౌత్ నటించిన 'తలైవి' థియేటర్లలో విడుదల అయిన మూడు వారాల్లో ఓటీటీకి వచ్చింది. తెలుగులో నాని 'టక్ జగదీష్' నేరుగా ఓటీటీలో విడుదల కాగా... కొన్ని సినిమాలు థియేటర్లలో విడుదల అయిన రెండు మూడు వారాల్లో వచ్చేశాయి. థియేటర్లలో విడుదలైన రెండు మూడు వారాల్లో ఓటీటీలో విడుదల చేసేలా ఒప్పందం చేసుకుంటే నిర్మాతలకు ఎక్కువ డబ్బులు వస్తాయి. ఎంత ఆలస్యంగా ఓటీటీకి వస్తే... రేట్ అంత తగ్గుతుంది. మరి, 'ఆర్ఆర్ఆర్' సంగతి ఏంటి?


'ఆర్ఆర్ఆర్: రౌద్రం రణం రుధిరం' సంగతి ఏంటి? యంగ్ టైగర్ ఎన్టీఆర్, మెగా పవర్ స్టార్ రామ్ చరణ్... ఇద్దరు స్టార్ హీరోలు నటించిన సినిమా. 'బాహుబలి' తర్వాత రాజమౌళి తెరకెక్కించిన సినిమా. థియేటర్లకు వెళ్లి చూడాలని చాలా మంది అనుకుంటారు. అలాగే, ఓటీటీలో వస్తే చూడాలని ఆశించేవాళ్లూ ఉంటారు. వాళ్లకు చెప్పేది ఏంటంటే... థియేటర్లలో విడుదలైన మూడు నెలల వరకూ 'ఆర్ఆర్ఆర్' సినిమా ఓటీటీలో విడుదల కాదు.


'ఆర్ఆర్ఆర్' హిందీ వెర్షన్ హక్కులను, ఆల్ లాంగ్వేజెస్ ఓటీటీ హక్కులను బాలీవుడ్ ప్రొడక్షన్ హౌస్ 'పెన్ స్టూడియోస్' అధినేత జయంతి లాల్ గడ దక్కించుకున్నారు. ముంబైలో గురువారం మధ్యాహ్నం జరిగిన 'ఆర్ఆర్ఆర్' ట్రైలర్ విడుదల కార్యక్రమంలో ఆయన మాట్లాడుతూ "ఇటువంటి గొప్ప సినిమాను ప్రేక్షకులు వీలైనన్ని రోజులు థియేటర్లలో చూడాలని కోరుకుంటున్నాం. డిజిటల్ ఫ్లాట్‌ఫార్మ్స్‌లో 90 రోజుల తర్వాతే విడుదల చేస్తాం" అని చెప్పారు. అదీ సంగతి.


'ఆర్ఆర్ఆర్' ట్రైలర్ విషయానికి వస్తే... అటు నందమూరి, ఇటు కొణిదెల (మెగా) అభిమానులకు గూజ్ బంప్స్ తెప్పించిందని చెప్పాలి. ఆల్ ఓవర్ ఇండియాలో సూపర్బ్ రెస్పాన్స్ లభించింది. కొంతమంది ఆల్రెడీ ట్రైల‌ర్‌లో త‌ప్పుల్ని ఎత్తి చూపిస్తున్నారు. ఏది ఏమైనా ట్రైలర్ సోషల్ మీడియాలో ట్రెండ్ అవుతోంది. జనవరి 7న సినిమా విడుదల కానున్న సంగతి తెలిసిందే.

Also Read: మరో బాలీవుడ్ హీరోయిన్ పెళ్లికి సిద్ధమైందా? బాయ్‌ఫ్రెండ్ ను పెళ్లాడుతుందా?
Also Read: నాగ్ మామ.. కామకలాపాలు చూడలేకపోతున్నాం.. నటి షాకింగ్ కామెంట్స్
Also Read: RRR ట్రైలర్.. కుంభస్థలాన్ని బద్దలకొడదాం పదా.. థియేటర్లు దద్దరిల్లాల్సిందే!
Also Read: మరో మలుపు తిరిగిన కార్తీకదీపం.. డాక్టర్ బాబు , వంటలక్కకి రుద్రాణి నుంచి కొత్త కష్టాలు..
Also Read: 'పుష్ప' సెట్స్ లో గోల్డ్ బిస్కెట్స్ పంచిన బన్నీ..
Also Read: ఆ ప్రచారం నమ్మొద్దన్న నాగ చైతన్య… క్లారిటీ ఇచ్చిన 'థ్యాంక్యూ' టీమ్
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి