నగనగా ఓ అమ్మాయి... ఆమె పేరు సఖి. ఊరంతా ఆమెను 'బ్యాడ్ లక్ సఖి... బ్యాడ్ లక్ సఖి' అంటుంటారు. ఎందుకు? అనేది 'గుడ్ లక్ సఖి' సినిమా చూస్తే తెలుస్తుంది. ఆమెను 'బ్యాడ్ లక్ సఖి' అనడం మీద ఓ సాంగ్ రూపొందించారు. 'రావే రావే సఖి... మురిసే ముచ్చట్లకి... సరదా సయ్యాటకి' అంటూ సాగే ఈ పాటను శ్రీమణి రాశారు. దేవిశ్రీ ప్రసాద్ సంగీతం అందించారు. హరిప్రియ, సమీరా భరద్వాజ్, ఎం.ఎల్.ఆర్ కార్తికేయన్ ఆలపించారు.
'ఇంకెన్నాళ్లే సఖి... నీ పప్పన్నానికి... త్వరగా పో మగనికి...' అంటూ సఖికి ఓ మహిళ చెప్పడం చూస్తుంటే... సఖి పెళ్లి కోసం ఊరిలో జనాలు అందరూ ఎదురు చూస్తున్నారని చెప్పడానికి ఓ సంకేతంగా చూడవచ్చు. ఎవరు ఆమెతో మాట్లాడినా వాళ్లకు ఎదో బ్యాడ్ జరుగుతుందన్నట్టు పాటలో చూపించారు. 'అదిగో అదిగో బ్యాడ్ లక్ సఖి' అంటూ దేవిశ్రీ ప్రసాద్ చక్కటి సంగీతం అందించారు.
కీర్తి సురేష్ టైటిల్‌ పాత్రలో నటించిన ఈ మహిళా ప్రాధాన్య సినిమాలో ఆది పినిశెట్టి హీరోగా నటించారు. జగపతి బాబు కీలక పాత్ర పోషించారు. నగేష్ కుకునూర్ దర్శకత్వంలో 'దిల్‌' రాజు సమర్పణలో వర్త్ ఏ షాట్ మోషన్ ఆర్ట్స్ పతాకంపై సుధీర్ చంద్ర ప‌దిరి నిర్మిస్తున్నారు. ఈ చిత్రానికి శ్రావ్యా వర్మ సహ నిర్మాత. ఈ నెల 26న సినిమా విడుదల కానుంది. క్రీడా నేపథ్యంలో తెరకెక్కిన ఈ సినిమాలో కీర్తీ సురేష్ షూటర్ పాత్రలో కనిపించనున్నారు. ఓ పల్లెటూరి అమ్మాయి నేషనల్ లెవల్ షూటర్ ఎలా అయ్యిందనేది కథ. కీర్తీ సురేష్ కోచ్ పాత్రలో జగపతిబాబు కనిపించనున్నారు. జాతీయ పురస్కార గ్రహీత కీర్తీ సురేష్, విమర్శకుల ప్రశంసలతో పాటు పలు పురస్కారాలు అందుకున్న నగేష్ కుకునూర్ ఫస్ట్ టైమ్ చేసిన సినిమా ఇది.
Also Read: 'టైగర్' పంచాయతీ... రవితేజ, బెల్లంకొండ మధ్య చర్చలు!?
Also Read: బండ్ల గ‌ణేష్‌... ప‌వ‌న్‌ను జాగ్ర‌త్త‌గా చూసుకుంటావా?
Also Read: పాట కష్టం తెలిసినోడు... కొన్నేళ్లుగా రాయనోడు... మళ్లీ పవన్ కోసం రాశాడు!
Also Read: పెళ్లి కబురు చెప్పిన కార్తికేయ... ఆ తర్వాత కాబోయే భార్యను పిలిచి!
Also Read: హ్యాట్రిక్‌కు రెడీ... మహేష్ దర్శకత్వంలో అనుష్క!
Also read: ‘సూర్యవంశీ’ స్క్రీనింగ్ ను అడ్డుకున్న రైతులు... కేంద్రం మీద ఉన్న కోపం అక్షయ్‌పై చూపించారుగా
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి