'బాహుబలి' ఫ్రాంచైజీతో ప్రభాస్ పాన్ ఇండియా స్టార్ గా ఎదిగిపోయారు. దీంతో ఆయన డిమాండ్ బాగా పెరిగిపోయింది. వరుస సినిమాలు ఒప్పుకుంటూ బిజీగా ఉంటున్నారు ప్రభాస్. రీసెంట్ గా ఈ హీరో నటించిన 'రాధేశ్యామ్' సినిమా ప్రేక్షకుల ముందుకు వచ్చింది. భారీ అంచనాల మధ్య విడుదలైన ఈ సినిమా ప్రేక్షకులను నిరాశ పరిచింది. నిర్మాతలకు, డిస్ట్రిబ్యూటర్స్ కి భారీ నష్ఠాలను తీసుకొచ్చింది ఈ సినిమా.
ఇప్పుడు బుల్లితెరపై కూడా ఈ సినిమా డిజాస్టర్ అయింది. కొన్ని రోజుల క్రితం ఈ సినిమాను జీ తెలుగులో వరల్డ్ టెలివిజన్ ప్రీమియర్ గా టెలికాస్ట్ చేశారు. దీనికోసం జీ సంస్థ ప్రమోషన్స్ కూడా చేసింది. ప్రభాస్ కి క్రేజ్ ఉండే భీమవరం లో 'రాధేశ్యామ్' థీమ్ పార్క్ అనే కాన్సెప్ట్ తో ప్రమోట్ చేశారు. ప్రభాస్ ఫ్యాన్స్ అందరూ కలిసి ఈ సినిమాను టీవీలో కచ్చితంగా చూడాల్సిందేనని అనుకున్నారు.
కానీ ఇప్పుడు రేటింగ్ చూస్తే రివర్స్ లో ఉంది. కేవలం 8.25 టీఆర్ఫీ మాత్రమే వచ్చింది. నిజానికి ఇది చాలా తక్కువ. గతంలో ఇదే ఛానెల్ లో టెలికాస్ట్ అయిన 'వకీల్ సాబ్' సినిమాకి టీఆర్ఫీ 19పైనే వచ్చింది. 'బంగార్రాజు'కి కూడా 14 పైనే వచ్చింది. ప్రభాస్ నటించిన 'సాహో' సినిమాకి కూడా టీవీలో తక్కువ టీఆర్ఫీ వచ్చింది. అప్పట్లో ఈ సినిమాకి 5.82 టీఆర్పీ వచ్చింది. ప్రభాస్ లాంటి హీరో సినిమాలకు ఇంత తక్కువ రేటింగ్ రావడం నమ్మలేకుండా ఉంది. టీవీల్లో ప్రభాస్ ఇమేజ్ తగ్గిపోతుందా..? అనే అనుమానాలు కలుగుతున్నాయి.