మనం పిల్లల్ని కనడం మొదలు పెడదమని జానకి రామాని అడుగుతుంది. జానకి గారు ఒక మంచి లక్ష్యం కోసమే మనం దూరంగా ఉంటున్నాం అది తప్పు కాదండీ మీరు భార్యగా బాధ్యత నెరవేర్చలేకపోతున్నానని బాధపడకండి. ఇది కొన్ని రోజులు మాత్రమేనని రామా అంటాడు. జానకి ఇంక ఏదో మాట్లాడుతుంటే రామ ఆపేస్తాడు. అప్పుడే అటుగా వచ్చిన జ్ఞానంబ వాళ్ళ మాటలు వింటుంది. వీళ్ళు ఎందుకు అప్పుడే పిల్లలు వద్దనుకుంటున్నారు ఆ లక్ష్యమేంటి అని జ్ఞానంబ ఆలోచనలో పడుతుంది.
ఇక జానకి అలిగి కూర్చుంటుంది. ఏమైంది ఎందుకు అలా ఉన్నారని రామ అడుగుతాడు. మీరు ఇప్పుడు కొట్టుకి వెళ్లకపోతే ఏమవుతుంది, మీకు భార్య ఉందని అంటుంది. రోజు కొట్టుకి వెళ్తున్నారు కదా ఈ రోజు వెళ్లకపోతే ఏమవుతుందని జానకి అంటుంది. అలా కుదరదని చెప్పి రామ వెళ్లబోతుంటే జానకి అడ్డుపడి ఆపేస్తుంది. కాసేపు ఇద్దరి మద్య రొమాన్స్ నడుస్తుంది. నేను ఎందుకు చెప్తున్నానో ఆలోచించడానికి కానీ అర్థం చేసుకోవడానికి ప్రయత్నించరా అని జానకి అడుగుతుంది. మనం పదే పదే ఈ విషయం గురించి మాట్లాడుకోవడం మంచిది కాదని చెప్తాడు. కానీ జానకి మాత్రం నేను అటు సంసారాన్ని ఇటు చదువుని జాగ్రత్తగా చూసుకుంటానని చెప్తుంది కానీ రామా వినడు. అది అనుకున్నంత ఈజిగా అయ్యేది కాదని ఒక రెండేళ్ళు దూరంగా ఉండి మీరు మీ ఐ పి ఎస్ కల మీద దృష్టి పెట్టండని చెప్పి అక్కడ నుంచి వెళ్ళిపోవడంతో జానకి బాధపడుతుంది.
Also Read: క్లాస్ రూమ్ లో రిషి కోసం వసుధార తపస్సు, రిషి చూస్తుండగా క్లాస్ నుంచి పంపించేసిన జగతి
మీకు మనవడిని ఇస్తానని జ్ఞానంబకి ఇచ్చిన మాట గుర్తు చేసుకుని జానకి బాధపడుతుంది. రామా గారు తన బాధ అర్థం చేసుకోవడం లేదని ఆలోచిస్తూ పరధ్యానంగా కూరగాయలు కట్ చేస్తూ వేలు తెగుతుంది. వెంటనే అక్కడికి వచ్చిన జ్ఞానంబ చేతికి కట్టు కట్టి ఏమైందని అడుగుతుంది. నేను నీకు తల్లి లాంటి దాన్ని నీ మనసులో ఏముందో చెప్పమంటుంది కానీ జానకి దాస్తుంది. నేను వారసుడిని ఇవ్వమన్న దగ్గర నంచి నువ్వు ఏదోలా ఉంటున్నావు. రామా నువ్వు స్నేహితుల్లగా ఉంటున్నారే తప్ప భార్య భర్తల్లాగా ఉంటునట్టు నాకు అనిపించడం లేదని అంటుంది. మిమ్మల్ని ఇద్దరినీ చాలా సార్లు గమనించాక నాకు ఒకటే అనిపిస్తుంది మీ మధ్య దూరం ఉందని నాకు అర్థం అయిందని అంటుంది. కానీ జానకి మాత్రం మేము బాగానే ఉన్నామని సర్ది చెప్తుంది. ఎంత అడిగిన జానకి నిజాన్ని ఎందుకు దాస్తుంది, కారణం ఎందుకు చెప్పడం లేదని జ్ఞానంబ మనసులో అనుకుంటుంది. జానకి రామాలు గదిలో మాట్లాడిన మాటలు తలుచుకుంటూ జ్ఞానంబ బాధపడుతుంది.
ఇక జానకి అందంగా రెడీ అయ్యి రామా కోసం గుమ్మం దగ్గర ఎదురు చూస్తూ ఉంటుంది. జానకిని అలా చూసి మల్లిక నోరేల్లబెడుతుంది. అమ్మో అప్పు చేసి కొప్పు పెట్టించుకున్నట్టు హీరోయిన్ లా ఇలా రెడీ అయ్యిందేంటని అనుకుంటుంది. అప్పుడే ఇంటికి వచ్చిన రామాకి జానకి ఎదురుగా వెళ్తుంది. జానకి అంత అందంగా ఉండటం చూసి రామ మైమరిచిపోతాడు. అది చూసి మల్లిక కుళ్ళుకుంటుంది. జానకిని అలా చూసిన రామా చూపు తిప్పుకోలేకపోతాడు. జానకి నుంచి చూపు తిప్పుకోవడానికి రామా ముప్పుతిప్పలు పడతాడు. అదంతా మల్లిక దొంగ చాటుగా గమిస్తూ ఉంటుంది. జానకి రామా పక్కనే కూర్చుని బుట్టలో వేసుకునేందుకు ప్రయత్నిస్తుంది. జానకి నుంచి తప్పించుకునేందుకు రామా పడే పాట్లు భలే గమ్మత్తుగా ఉంటాయి.