ప్రముఖ కొరియోగ్రాఫర్ శివశంకర్ మాస్టర్ అనారోగ్యంతో చికిత్స పొందుతూ ఈరోజు 8 గంటల సమయంలో తుదిశ్వాస విడిచారు. దీంతో సినిమా ఇండస్ట్రీలో విషాద ఛాయలు నెలకొన్నాయి. ఆయన మరణవార్త తెలుసుకున్న సినీ ప్రముఖులు సోషల్ మీడియా వేదికగా నివాళులు అర్పిస్తున్నారు. మెగాస్టార్ చిరంజీవి, రాజమౌళి, బాలకృష్ణ ఇలా చాలా మంది ప్రముఖులు శివశంకర్ మాస్టర్ తో ఉన్న అనుబంధాన్ని గుర్తు చేసుకుంటూ ఎమోషనల్ అయ్యారు.
శివశంకర్ మాస్టర్ భౌతికకాయాన్ని రేపు ఉదయం 5 గంటలకు కుటుంబసభ్యులకు అప్పగించనున్నారు వైద్యులు. ఆ తరువాత హైదరాబాద్‌ లో మణికొండ ప్రాంతంలో ఉన్న పంచవటిలోని స్వగృహానికి శివశంకర్ మాస్టర్ భౌతికకాయాన్ని తీసుకెళ్లనున్నట్టు కుటుంబ సభ్యులు తెలిపారు. అభిమానుల సందర్శనార్థం మృతదేహాన్ని స్వగృగంలోనే కాసేపు ఉంచి నివాళులు అర్పించనున్నారు. రేపు మధ్యాహ్నం 2 గంటలకు మహాప్రస్థానంలో అత్యక్రియలు నిర్వహించనున్నారు.
Also Read: రేపు మధ్యాహ్నం మహాప్రస్థానంలో అంత్యక్రియలు..
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి