క్యారెక్టర్ ఆర్టిస్ట్ గా కెరీర్ మొదలుపెట్టిన రవితేజ ఆ తరువాత హీరోగా మారిపోయాడు. అతడి కామెడీ టైమింగ్, మాస్ యాక్షన్ ఆడియన్స్ కి కనెక్ట్ అవ్వడంతో హీరోగా ఎన్నో అవకాశాలు వచ్చాయి. అయితే గతేడాది వరకు ఫ్లాప్ లతో బాగా ఇబ్బందిపడ్డాడు రవితేజ. అయినప్పటికీ సినిమాలు చేస్తూనే ఉన్నాడు. ఈ ఏడాది 'క్రాక్' సినిమాతో ప్రేక్షకుల ముందుకు వచ్చి భారీ సక్సెస్ ను తన ఖాతాలో వేసుకున్నాడు. గోపీచంద్ మలినేని డైరెక్ట్ చేసిన ఈ సినిమాతో రవితేజ కెరీర్ మలుపు తిరిగింది. ఈ సినిమా ఇచ్చిన కాన్ఫిడెన్స్ తో వరుస సినిమాలు ఒప్పుకుంటున్నాడు రవితేజ.
Also Read:సమంతతో విడాకులు - నాగచైతన్య అధికారిక ప్రకటన !
ప్రస్తుతం రమేష్ వర్మ దర్శకత్వంలో 'ఖిలాడి' సినిమాలో నటిస్తున్నాడు రవితేజ. ఈ సినిమాలో మీనాక్షి చౌదరి, డింపుల్ హయాతిలు హీరోయిన్లుగా నటిస్తున్నారు. ఈ సినిమా సెట్స్ పై ఉండగానే.. శరత్ మండవా అనే కొత్త దర్శకుడితో 'రామారావు ఆన్ డ్యూటీ' అనే సినిమా పట్టాలెక్కించాడు. ఈ సినిమాలో కూడా ఇద్దరు హీరోయిన్లు నటిస్తున్నారు. ఈ రెండు సినిమాలతో పాటు ఇప్పుడు మరో సినిమాలో నటించబోతున్నాడు రవితేజ.
'నేను లోకల్', 'హలో గురు ప్రేమ కోసమే' వంటి సినిమాలను తెరకెక్కించిన దర్శకుడు త్రినాధరావు చాలా కాలంగా రవితేజతో కలిసి పని చేయాలనుకుంటున్నారు. ఆయనకి కథ కూడా చెప్పారు కానీ ఈ ప్రాజెక్ట్ ఎంతకీ ప్రకటించకపోవడంతో ఆగిపోయిందని అనుకున్నారు. కానీ తాజాగా త్రినాధరావు దర్శకత్వంలో సినిమా చేయబోతున్నట్లు అనౌన్స్ చేశారు రవితేజ. గాంధీ జయంతి సందర్భంగా ఈ సినిమా నుంచి ఓ పోస్టర్ ను విడుదల చేశారు. ఇందులో ఈ సినిమా రెగ్యులర్ షూటింగ్ అక్టోబర్ 4వ తేదీ నుంచి ప్రారంభం అవుతున్నట్లు ప్రకటించారు. 'RT69' అనే వర్కింగ్ టైటిల్‌తో ఈ సినిమా రూపొందుతోంది మొత్తానికి వరుస సినిమాలతో మన మాస్ మహారాజ బిజీగా మారిపోయాడు.
Also Read: అల్లు కుటుంబం తరపున మెగాస్టార్ చిరంజీవికి కృతజ్ఞతలు చెప్పిన బన్నీ..ఏకి పారేస్తున్న నెటిజన్లు
Also Read: లోబో 'బస్తీ' కామెంట్స్ పై మండిపడ్డ నాగ్.. అందరూ ఒక్కటే అంటూ వార్నింగ్
Also Read: రూమర్స్ కి ఫుల్ స్టాప్ పెట్టేసిన 'పుష్ప' టీమ్, రిలీజ్ డేట్ ఫిక్స్ చేసేశారు
Also Read:ఉదయాన్నే మేనిఫెస్టో ప్రకటించి.. మా అధ్యక్ష అభ్యర్థి పదవికి వేసిన నామినేషన్ ఉపసంహరించుకున్న నటుడు
Also Read: నాలుగేళ్ల క్రితం ఆగిన 'ఆరడుగుల బుల్లెట్' మెగా హీరోకి పోటీగా ఇప్పుడు దూసుకొస్తోంది..